- Аз айтсам, кёб ангылагъыз.
- Адам къыйынлыгъын кёлтюрюр, зауукълугъун кёлтюрмез.
- Къонагъы джокъну – шоху джокъ.
- Татлы сёз – балдан татлы.
- Эр сокъур болсун, къатын тилсиз болсун.
- Гыдай эчки суугъа къараб, мюйюзле кёрмесе, джашма алкъын, дегенди.
- Тёрени джагъы джокъ.
- Къыйынлы джети элни къайгъысын этер.
- Джиби бир къат джетмей эди да, эки къат тарта эди.
- Юйюнгден чыкъдынг – кюнюнгден чыкъдынг.
- Ашда – бёрю, ишде – ёлю.
- Къолунгдан къуймакъ ашатсанг да, атаны борчундан къутулмазса.
- Хар зат кесини орнуна иги.
- Аман киши кеси юйюнде – къонакъ.
- Эркишини аманы тиширыуну джылатыр.
- Джашда акъыл джокъ, къартда къарыу джокъ.
- Къолу уллу – асыу, аягъы уллу – джарсыу.
- Джол бла сёзню къыйыры джокъ.
- Суу кетер, таш къалыр.
- Кёбге таш атма.
- Акъыл аздырмаз, билим тоздурмаз.
- Атлыны кёрсе, джаяуну буту талыр.
- Берекет берсин деген джерде, берекет болур.
- Ашхы тенг джолгъа салыр, аман тенг джолдан тайдырыр.
- Ишлерге уял да, ашаргъа табма.
- Аджал соруб келмез, келсе, къайтыб кетмез.
- Тил джюрекге джол ишлейди.
- Къуллукъчума, деб махтанма, къуллукъ – хаух джамчыды!
- Ётюрюкню къуйругъу – бир тутум.
- Ёлген аслан – сау чычхан.
- Къайтырыкъ эшигинги, къаты уруб чыкъма.
- Къарт бла баш аша, джаш бла аякъ аша.
- Ачыкъ джюрекге джол – ачыкъ.
- Чомарт джарлы болмаз.
- Бети – къучакълар, джюреги – бычакълар.
- Джылар джаш, атасыны сакъалы бла ойнар.
- Телини эшигин, махтау джабар.
- Ат басханны джер билед.
- Чакъырылгъанны аты, чакъырылмагъанны багъасы болур.
- Ана – юйню кюн джарыгъы.
- Чакъырылмагъан къонакъ тёрге атламаз.
- Азыкълы ат арымаз, къатыны аман джарымаз.
- Къар – келтирди, суу – элтди.
- Адамны адамлыгъы къыйынлыкъда айгъакъланады.
- Ауругъаннга – кийик саулукъ, джетген къызгъа – чилле джаулукъ.
- Ашаса, ашамаса да, бёрюню ауузу – къан.
- Ат да турмайды бир териде.
- Агъач – джерни чырайы, кийим – эрни чырайы.
- Бозанг болмагъан джерге, къалагъынгы сукъма.
- Аман къатын алгъан, арыр, иги къатын алгъан джарыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72