- Чарсда алчыны эл кёреди.
- Тили узунну, намысы – къысха.
- Суу ичген шауданынга тюкюрме.
- Тай асырагъан, атха минер.
- Аман къатын сабий табса, бий болур…
- Телиге акъыл салгъандан эсе, ёлгеннге джан салырса.
- Биреуге аманлыкъ этиб, кесинге игилик табмазса.
- Алтыннга тот къонмаз.
- Джашынгы кесинг юретмесенг, джашау юретир.
- Ауузу аманнга «иги», деме.
- Ашлыкъ – бюртюкден, джюн – тюкден.
- Чакъырылмагъан джерге барма, чакъырылгъан джерден къалма.
- Таукел адам тау тешер.
- Сёлеш деб шай берген, тохта деб, сом берген.
- Биреу ашаб къутулур, биреу джалаб тутулур.
- Сууда джау джокъ, кёб сёзде магъана джокъ.
- Ариу – кёзге, акъыл – джюрекге.
- Ашыкъгъан cуу, тенгизге джетмез.
- Байны оноуу, джарлыгъа джарамаз.
- Кюл тюбюндеги от кёрюнмейди.
- Сакъламагъан затынга джолукъсанг, не бек къууанаса, не бек ачыйса.
- Орундукъ тюбюнде атылсам да, орта джиликме, де да айлан.
- Борчунг бар эсе, хурджунунга ойлаб узал.
- Ач къарынны, токъ билмез
- Хар зат кесини орнуна иги.
- Аз сёлешген, къайгъысыз турур.
- Тил – миллетни джаны.
- Болджал ишни бёрю ашар.
- Ёксюзню тилеги къабыл болур.
- Ач уят къоймаз.
- Эркиши – от, тиширыу – суу.
- Айтханы чапыракъдан ётмеген.
- Босагъа таш юйге кирмей эди, тыбыр таш эшикге чыкъмай эди.
- Этни бети бла шорпасы.
- Керек ташны ауурлугъу джокъ.
- Кёб джат да, бек чаб.
- Къонакъ аз олтурур, кёб сынар.
- Тин – байлыгъынг, терен саулугъунг.
- Эл тойса, тоймагъан, эл къойса, къоймагъан.
- Байлыкъ келсе, акъыл кетер.
- Кийиминг бла танылма, адамлыкъ бла таныл.
- Иши джокъну, сыйы джокъ.
- Баш болса, бёрк табылыр.
- Уллу атлама – абынырса, уллу къабма – къарылырса.
- Кийимни бир кюнню аясанг, минг кюннге джарар.
- Халкъны джырын джырласанг, халкъ санга эжиу этер.
- Уллу къазанда бишген эт, чий къалмаз.
- Джырчы ёлсе, джыры къалыр.
- Тёрде – темир таякълы, къаяда – чыпчыкъ аякълы.
- Кёзю сокъурдан – къоркъма, кёлю сокъурдан – къоркъ.
Профиль
|
|
|
|||