- Адамны адамлыгъы къыйынлыкъда айгъакъланады.
- Элни кючю – эмеген.
- Халкъны юйю – туугъан джери.
- Джырчы ёлсе, джыры къалыр.
- Бети бедерден, намыс сакълама.
- Таукел тауну аудурур.
- Къызгъанчдан ычхыныр, мухардан ычхынмаз.
- Ариу сёз – къылычдан джити.
- Баланы адам этген анады.
- Ач уят къоймаз.
- Уллу суу бла уллу ауруудан башынгы сакъла.
- Кёл ашады да, кеси ашады.
- Ёгюзню мюйюзлери ауурлукъ этмейдиле.
- Эл ауузу – элия.
- Мухардан ач ычхынмаз.
- Къарт бла баш аша, джаш бла аякъ аша.
- «Ёгюз, джаргъа джууукъ барма, меннге джюк боллукъса», - дегенди эшек.
- Арбаз сайлама да, хоншу сайла.
- Кёзню ачылгъаны – иги, ауузну джабылгъаны – иги.
- Джаш болсун, къыз болсун, акъылы, саны тюз болсун.
- Бёрю да ач къалмасын, эчки да ашалмасын.
- Ёгюзню мюйюзюнден тутадыла, адамны сёзюнден тутадыла.
- Ашыкъгъан cуу, тенгизге джетмез.
- Юй ишлеген балта эшикде къалыр.
- Акъыллы башны – тили къысха.
- Азыкълы ат арымаз, къатыны аман джарымаз.
- Къонакъ болсанг, ийнакъ бол.
- Бюгюн дуния кибик, тамбла ахыратды.
- Айранын берсенг, челегин да къызгъанма.
- Къарнынг ауруса, ауузунгу тый
- Босагъа таш юйге кирмей эди, тыбыр таш эшикге чыкъмай эди.
- Терек ауса, отунчу – кёб.
- Айтхан – тынч, этген – къыйын.
- Тюкюрюк баш джармаз, налат кёз чыгъармаз!
- Джолунга кёре – джюрюшюнг, джагъанга кёре – юлюшюнг.
- Телиге акъыл салгъандан эсе, ёлгеннге джан салырса.
- Харам къарнашдан, халал тенг ашхы.
- Суугъа – таянма, джаугъа – ийнанма.
- Хар адамгъа кеси миннген тау кибик.
- Билимден уллу байлыкъ джокъду.
- Дуния мал дунияда къалады.
- Юре билмеген ит, къонакъ келтирир.
- Бал чибинни ургъаны – ачы, балы – татлы.
- От кюйдюрген, сау болса да, тот кюйдюрген, сау болмаз.
- Чомартны къолу берекет.
- Кёб джашагъан – кёб билир.
- Аман адам элни бир-бирине джау этер.
- Тас болгъан бычакъны сабы – алтын.
- Джаз бир кюнню джатсанг, къыш талай кюнню абынырса.
- Ургъан суудан башынгы сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72