- Чабакъгъа акъыл, табагъа тюшсе келеди.
- Къая джолда джортма, ачыкъ сёзден къоркъма.
- Кёзню ачылгъаны – иги, ауузну джабылгъаны – иги.
- Суу ичген шауданынга тюкюрме.
- Гугук кесини атын айтыб къычыргъанча, мен, мен деб нек тураса?
- Ачлыкъ отха секиртир.
- Туз, гырджын аша, тюзлюк бла джаша.
- Иги адамны бир сёзю эки болмаз.
- Бюгюн дуния кибик, тамбла ахыратды.
- Шекер бла туз – бир болмаз, ушамагъан – юй болмаз.
- Ёлген эшек бёрюден къоркъмайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёксюзню тилеги къабыл болур.
- Къызны минг тилер, бир алыр.
- Эри аманны, къатыны – аман.
- Эшекге миннген – биринчи айыб, андан джыгъылгъан – экинчи айыб.
- Халкъны юйю – туугъан джери.
- Тойгъан джерге джети къайт.
- Керек ташны ауурлугъу джокъ.
- Биреуню тёрюнден, кесинги эшик артынг игиди.
- Хата – гитчеден.
- Келгинчи, къонакъ уялыр, келгенден сора, къонакъбай уялыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Акъдан къара болмаз.
- Айыбны суу бла джууалмазса.
- Эшекни не къадар тюйсенг да, ат болмаз.
- Къатын байлыкъны сюер, эр саулукъну сюер.
- Гыдай эчки суугъа къараб, мюйюзле кёрмесе, джашма алкъын, дегенди.
- Мени джылытмагъан кюн, меннге тиймесин!
- Элде адам къалмаса, ит тахтагъа минер.
- Ач уят къоймаз.
- Башы ишлегенни, ауузу да ишлер.
- Экеу тутушса, биреу джыгъылыр.
- Терслик кетер, тюзлюк джетер.
- «Ёгюз, джаргъа джууукъ барма, меннге джюк боллукъса», - дегенди эшек.
- Джангыз терек къынгыр ёсер.
- Бозанг болмагъан джерге, къалагъынгы сукъма.
- Болджал ишни бёрю ашар.
- Кийимни бир кюнню аясанг, минг кюннге джарар.
- Ариу сёз – къылычдан джити.
- Ата – баланы уясы.
- Сютню башын джалагъан къутулур, тюбюн ичген тутулур.
- Билим – акъылны чырагъы.
- Билим ат болуб да чабар, къуш болуб да учар.
- Кесинг сынамагъан затны, адамгъа буюрма.
- Тилчиден кери бол.
- Ата Джуртун танымагъан, атасын да танымаз.
- Насыб бютеу халкъны юлюшюдю.
- Ауругъан – джашаудан умутчу.
- Чёбню кёлтюрсенг, тюбюнден сёз чыгъар.
Профиль
|
|
|||