- Адамны аты башхача, акъылы да башхады.
- Халкъгъа джарагъан, джарлы къалмаз.
- Игини сыйлагъан адетди.
- Оюмсуз атлагъан, аджалсыз ёлюр.
- Аман къатын алгъан, арыр, иги къатын алгъан джарыр.
- Сангырау къулакъ эл бузар.
- Ашхы адам – халкъ байлыгъы, ашхы джер – джашау байлыгъы.
- Джылыгъа джылан илешир.
- Дуния малгъа сатылма, кесингден телиге къатылма.
- Джукъу тёшек сайламайды.
- Сёлеш деб шай берген, тохта деб, сом берген.
- Таукел тауну аудурур.
- Хантына кёре тузу, юйюне кёре къызы.
- Ишлемеген – тишлемез.
- Къыз чыгъаргъан – къызыл къымжа.
- Мал тутхан – май джалар.
- Тенгинг джокъ эсе – изле, бар эсе – сакъла!
- Иесиз малны бёрю ашар.
- Ата Джуртуму башы болмасам да, босагъасында ташы болайым.
- Аллахха ийнаннган кишини, Аллах онгдурур ишин.
- Ушамагъан – джукъмаз.
- Аман хансны – урлугъу кёб.
- Рысхы – насыбха къор.
- Джаралыны джастыгъында сау ёлюр.
- Айтылгъан буйрукъ, сёгюлмез
- Эл ауузу – элек, анга ийнаннган – халек.
- Мухар, кеси тойса да, кёзю тоймаз.
- Ана кёлю – балада, бала кёлю – талада.
- Къуллукъчума, деб махтанма, къуллукъ – хаух джамчыды!
- Аууздан келген, къолдан келсе, ким да патчах болур эди.
- Къарт бла баш аша, джаш бла аякъ аша.
- Биреу къой излей, биреу той излей.
- Джыланны къуйругъундан басарынг келсе, аны башы болгъанын унутма.
- Билеги кючлю, бирни джыгъар, билими кючлю, мингни джыгъар.
- Билимсиз иш бармаз.
- Ачыкъ джюрекге джол – ачыкъ.
- Ач къарным, тынч къулагъым.
- Кюл тюбюндеги от кёрюнмейди.
- Чакъырылмай келген къонакъ сыйланмай кетер.
- Кёзю сокъурдан – къоркъма, кёлю сокъурдан – къоркъ.
- Ёксюзню тилеги къабыл болур.
- Адамны артындан къара сабан сюрме.
- Сыфатында болмагъаны, суратында болмаз.
- Чомарт къолда мал къалмаз.
- Къартны бурнун сюрт да, оноугъа тут.
- Дуния аламаты сен эсенг да, игиме деб айтма.
- Эринчекни эр алмаз, эр алса да, кёл салмаз, кёл салса да, кёб бармаз!
- Чомарт къонакъ юй иесин сыйлар.
- Байлыкъ тауусулур, билим тауусулмаз.
- Кечеси – аяз, кюню – къыш, джарлы къаргъагъа бир аш тюш!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72