- Чомартны къолу берекет.
- Ариу сёзде ауруу джокъ.
- Билими азны – ауузунда кирит.
- Керек ташны ауурлугъу джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Кирсизни – саны таза, халалны – къаны таза.
- Эте билген, этген этеди, эте билмеген, юретген этеди!
- Малны кют, джерни тюрт.
- Ойнаб айтсанг да, эслеб айт.
- Тюзлюк тас болмайды.
- Къарт айтханны этмеген, къартаймаз.
- Халкъны джырын джырласанг, халкъ санга эжиу этер.
- Ойнай билмеген, уруб къачар.
- Эл тойса, тоймагъан, эл къойса, къоймагъан.
- Иги – алгъыш этер, аман – къаргъыш этер.
- Тёзгеннге, джабылгъан эшик ачылыр.
- Ашыкъгъан cуу, тенгизге джетмез.
- Ёлген аслан – сау чычхан.
- Бозанг болмагъан джерге, къалагъынгы сукъма.
- Аманны эки битли тону болур, бирин сеннге кийдирир, бирин кеси киер.
- Артына баргъанны, къатына барма.
- Адамны бетине къарама, адетине къара.
- Эки элинги тыйсанг, джети элде махталырса.
- Зар адам ашынгы ашар, кесинги сатар.
- Ёлюр джаннга, ёкюл джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Тулпарлыкъ, билекден тюл – джюрекден.
- Ёксюзню тилеги къабыл болур.
- Башсыз урчукъ тюзюне айланмаз.
- Рысхы джалгъанды: келген да этер, кетген да этер.
- Джумушакъ сёз къаты таякъны сындырыр.
- Кесинг сынамагъан затны, адамгъа буюрма.
- Ёгюзню мюйюзюнден тутадыла, адамны сёзюнден тутадыла.
- Айтхан – тынч, этген – къыйын.
- Къатын байлыкъны сюер, эр саулукъну сюер.
- Ач къалгъандан, кеч къалгъан къолай.
- Тешик этген тынчды, аны джамагъан къыйынды.
- Окъумагъан сокъурду, сокъур ташха абыныр!
- Ата Джуртуму башы болмасам да, босагъасында ташы болайым.
- Эл ауузу – элия.
- Азыкъ аз болса, эртде орун сал.
- Билимсиз иш бармаз.
- Эртде тургъан джылкъычыны эркек аты тай табар.
- Бёрю да ач къалмасын, эчки да ашалмасын.
- Мадар болса, къадар болур.
- Иги сеники эсе да, сюйген кесимикин этеме.
- Aдам боллукъ, сыфатындан белгили.
- Джаз бир кюнню джатсанг, къыш талай кюнню абынырса.
- Билген билмегенни юретген адетди.
- Ач къарным, тынч къулагъым.
Профиль
|
|
|
|||