Эльбрусоид :: Форум :: ...будущая балкарочка...

Зар адам ашынгы ашар, кесинги сатар.
Керек ташны ауурлугъу джокъ.
Айныгъанлы алты кюн, тогъайгъанлы тогъуз кюн.
Огъурлуну сёзю – суу, огъурсузну сёзю – уу.
Кёл ашады да, кеси ашады.
Ушамагъан – джукъмаз.
Чомартха хар кюн да байрамды.
Аз айтсам, кёб ангылагъыз.
Ёгюзню мюйюзлери ауурлукъ этмейдиле.
Акъыл неден да кючлюдю.
Суу ичген шауданынга тюкюрме.
Сибиртки да сыйлы болду, кюрек да кюнлю болду.
Алим болгъандан эсе, адам болгъан къыйынды.
Нёгер болсанг, тенг бол, тенг болмасанг, кенг бол.
Къартха ушагъан джаш – акъыллы, джашха ушагъан къарт – тели.
Уллу сёзде уят джокъ.
Тилчи бир сагъатха айлыкъ хата этер.
Кютгени беш эчки, сызгъыргъаны уа, джерни джарады.
Босагъагъа джууукъ орун болса, ашыгъыб тёрге озма.
Тай асырагъан, атха минер.
Кёб джашагъан – кёб билир.
Тыш элде солтан болгъандан эсе, кесинги элде олтан болгъан игиди!
Тас болгъан бычакъны сабы – алтын.
Джуртун къоругъан озар.
Къарнынг тойгъунчу аша да, белинг талгъынчы ишле.
Тёзген – тёш ашар!
Адамны артындан къара сабан сюрме.
Акъыллы эркиши атын махтар, акъылсыз эркиши къатынын махтар.
Къонагъы джокъну – шоху джокъ.
Телиге от эт десенг, юйюнге от салыр.
Эринчекни аурууу – кёб.
Эки ойлашыб, бир сёлешген.
Иги болса, тамадама – махтау, аман болса, меннге – айыб.
Къонакъ аман болса, къонакъбай джунчур
Шекер бла туз – бир болмаз, ушамагъан – юй болмаз.
Сютден ауузу кюйген, суугъа юфгюре эди.
Ётюрюкден тюбю джокъ, кёлтюрюрге джиби джокъ.
Байлыкъ тауусулур, билим тауусулмаз.
Кенгеш болса, уруш болмаз.
Итли къонакъ джарашмаз.
Тиширыусуз юй – отсуз от джагъа.
Билмегенинги, билгеннге сор.
Ач бёрюге мекям джокъ.
Башынга джетмегенни сорма.
Окъдан джара эртде-кеч болса да бителир, сёз джара, ёмюрге къалыр.
Арба аугъандан сора, джол кёргюзтюучю кёб болур.
Ата Джуртун танымагъан, атасын да танымаз.
Алтыда кюлмеген, алтмышда кюлмез.
Тойгъан джерден туугъан джер игиди.
Ханы къызы буюгъа-буюгъа киштик болду.

Логин:
Пароль:
	Запомнить меня на этом компьютере

Забыли свой пароль?
Регистрация