- Чомарт къолда мал къалмаз.
- Иги болса, тамадама – махтау, аман болса, меннге – айыб.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёзден кетген, кёлден да кетеди.
- Ёлген эшек бёрюден къоркъмайды.
- Билими азны – ауузунда кирит.
- Накъырда – кертини келечиси.
- Айырылгъанланы айю ашар, бёлюннгенлени бёрю ашар.
- Сагъыш – къартлыкъгъа сюйюмчю.
- Джети тилни билген джети кишиди.
- Къартха ушагъан джаш – акъыллы, джашха ушагъан къарт – тели.
- Чомартны къолун джокълукъ байлар.
- Таш бла ургъанны, аш бла ур.
- Джогъун бар этген, барын бал этген.
- Дженгил джетерикме деб, узун джолну къоюб, къысхасын барма.
- Адамны адамлыгъы къыйынлыкъда айгъакъланады.
- Суугъа – таянма, джаугъа – ийнанма.
- Кёпюр салгъан кеси ётер, уру къазгъан кеси кетер.
- Къатын байлыкъны сюер, эр саулукъну сюер.
- Уллу къашыкъ эрин джыртар.
- Ариу – кёзге, акъыл – джюрекге.
- Ёпкелегенни ашы татлы болады.
- Кюн – узун, ёмюр – къысха.
- Келгинчи, къонакъ уялыр, келгенден сора, къонакъбай уялыр.
- Эрине къаргъыш этген къатын, эрнин къабар.
- Адам сёзюнден белгили.
- Таугъа чыгъаллыкъ эсенг, тюзде къалма.
- Зарда марда джокъ.
- Ёгюзню мюйюзюнден тутадыла, адамны сёзюнден тутадыла.
- Кесинге джетмегенни, кёб сёлешме.
- Илму – джашауну джолу.
- Джетген къыз джерли эшекни танымаз.
- Кесине оноу эте билмеген, халкъына да эте билмез.
- Билим насыб берир, билим джолну керир.
- Джахил болса анасы, не билликди баласы?
- Ачыу алгъа келсе, акъыл артха къалады.
- Кютгени беш эчки, сызгъыргъаны уа, джерни джарады.
- Зар адамны насыбы болмаз.
- Окъуу – билимни ачхычы, окъуу – дунияны бачхычы.
- Ачны эсинде – аш.
- Биреуге кёлтюрген таягъынг, кесинги башынга урур.
- Ауурну тюбю бла, дженгилни башы бла джюрюген.
- Къазанда болса, чолпугъа чыгъар.
- Таш ата билмеген, башына урур.
- Иги – алгъыш этер, аман – къаргъыш этер.
- Иши джокъну, сыйы джокъ.
- Тилде сюек болмаса да, сюек сындырыр.
- Кёрмегеннге кебек – танг, битмегеннге сакъал – танг.
- Азыгъы аз, алгъа къабар, аты аман, алгъа чабар.
- Мухардан ач ычхынмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72