- Тойгъан джерден туугъан джер игиди.
- Аман киши кеси юйюнде – къонакъ.
- Телини эшигин, махтау джабар.
- Чакъырылмай келген къонакъ сыйланмай кетер.
- Къозулугъунда тоймагъан, къойлугъунда тоймаз.
- Баргъанынга кёре болур келгенинг.
- Ауругъан – джашаудан умутчу.
- Къарын къуру болса, джюрек уру болур.
- Хар зат кесини орнуна иги.
- Харам къарнашдан, халал тенг ашхы.
- Суугъа – таянма, джаугъа – ийнанма.
- Байны оноуу, джарлыгъа джарамаз.
- Кечеси – аяз, кюню – къыш, джарлы къаргъагъа бир аш тюш!
- Ашхылыкъ джерде джатмайды, аманлыкъ суугъа батмайды.
- Къошда джокъгъа – юлюш джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Окъдан джара эртде-кеч болса да бителир, сёз джара, ёмюрге къалыр.
- Тил джюрекге джол ишлейди.
- Айыбны суу бла джууалмазса.
- Юйюнгден чыкъдынг – кюнюнгден чыкъдынг.
- Къаллай салам берсенг, аллай джууаб алырса.
- Сагъыш – къартлыкъгъа сюйюмчю.
- Айныгъанлы алты кюн, тогъайгъанлы тогъуз кюн.
- Аманнга да, игиге да оноусуз къатышма.
- Нарт сёз къарт болмаз.
- Билими азны – ауузунда кирит.
- Ишлерге уял да, ашаргъа табма.
- Хансыз джомакъ болмаз.
- Джигер – джаннга къыйынлыкъ.
- Сормай – алма, чакъырылмай – барма.
- Аурууну келиую тынч, кетиую – къыйын.
- Ёлген эшек бёрюден къоркъмайды.
- Элге къуллукъ этмеген, элге ие болмаз.
- Халкъгъа джарагъан, джарлы къалмаз.
- Атлыны кёрсе, джаяуну буту талыр.
- Окъугъанны бети джарыкъ.
- Билеги кючлю, бирни джыгъар, билими кючлю, мингни джыгъар.
- Эки къатын алгъан – эки ташны ортасына башын салгъан.
- Таугъа чыгъаллыкъ эсенг, тюзде къалма.
- Ауузу аманнга «иги», деме.
- Сёз – кюмюш, джыр – алтын.
- Къызбайны юйюне дери сюрсенг, батыр болур.
- Иги сеники эсе да, сюйген кесимикин этеме.
- Эки элинги тыйсанг, джети элде махталырса.
- Ханнга да келеди хариблик.
- Кёлю джокъну – джолу джокъ.
- Къазанны башы ачыкъ болса, итге уят керекди.
- Бек анасы джыламаз.
- Джаз бир кюнню джатсанг, къыш талай кюнню абынырса.
- Ашхы сёз таш тешер.
Профиль
|
|
|
|||