- Адам сёзюнден белгили.
- Таш бла ургъанны, аш бла ур.
- Эри аманны, къатыны – аман.
- Джашда акъыл джокъ, къартда къарыу джокъ.
- Элде адам къалмаса, ит тахтагъа минер.
- Зарда марда джокъ.
- Къарт бла баш аша, джаш бла аякъ аша.
- Джангыз терек къынгыр ёсер.
- Тил – миллетни джаны.
- Ариу сёз – джаннга азыкъ, аман сёз – башха къазыкъ.
- Арпа, будай – ащды, алтын, кюмюш а – ташды.
- Билими азны – ауузунда кирит.
- Зар адам ашынгы ашар, кесинги сатар.
- Мал ёлсе, сюек къалыр, адам ёлсе, иши къалыр.
- Джашлыкъ этмеген, башлыкъ этмез.
- Нёгер болсанг, тенг бол, тенг болмасанг, кенг бол.
- Башынга джетмегенни сорма.
- Оюмсуз атлагъан, аджалсыз ёлюр.
- Джолунга кёре – джюрюшюнг, джагъанга кёре – юлюшюнг.
- Байлыкъ келсе, акъыл кетер.
- Аш иеси бла татлыды.
- Бетинги сатма, малынгы сат.
- Аллахха ийнаннган кишини, Аллах онгдурур ишин.
- Ишленмеген джаш – джюгенсиз ат, ишленмеген къыз – тузсуз хант.
- Азыгъы аз, алгъа къабар, аты аман, алгъа чабар.
- Иги болса, тамадама – махтау, аман болса, меннге – айыб.
- Аджаллыгъа окъсуз шкок атылыр.
- Тойгъа барсанг, тоюб бар, эски тонунгу къоюб бар.
- Билим къая тешер.
- Таукелге нюр джауар.
- Ишлегенден, къарагъан уста.
- Чакъырылмай келген къонакъ сыйланмай кетер.
- Суугъа – таянма, джаугъа – ийнанма.
- Хата – гитчеден.
- Тас болгъан бычакъны сабы – алтын.
- Чомарт къонакъ юй иесин сыйлар.
- Кюлме джашха – келир башха.
- Ач къалгъандан, кеч къалгъан къолай.
- Акъыллы – эл иеси, тели – эл баласы.
- Эки итни арасына сюек атма, эки адамны арасында сёз чыгъарма.
- Ашхы сёз таш тешер.
- Тёрени джагъы джокъ.
- Ёлюр джаннга, ёкюл джокъ.
- Уруну арты – къуру.
- Ашына кёре табагъы, балына кёре къалагъы.
- Чакъырылмагъан джерге барма, чакъырылгъан джерден къалма.
- Къууут – джелге, берне – бошха.
- Соргъан айыб тюлдю, билмеген айыбды.
- Хазыр ашха – терен къашыкъ.
- Къозулугъунда тоймагъан, къойлугъунда тоймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72