- Уллу суу бла уллу ауруудан башынгы сакъла.
- Ёлген аслан – сау чычхан.
- Ётюрюкден тюбю джокъ, кёлтюрюрге джиби джокъ.
- Ёзденликни джайгъан – джокълукъ.
- Ауузу аманнга «иги», деме.
- Тау башында, тау болмаз, джангыз терек, бау болмаз.
- Къарт айтханны этмеген, къартаймаз.
- Миллетни бойну – базыкъ, аны бла кюрешген – джазыкъ.
- Джаным-тиним – окъуу, билим.
- Сибиртки да сыйлы болду, кюрек да кюнлю болду.
- Тили узунну, намысы – къысха.
- Баш – акъыл ючюн, акъылман – халкъ ючюн.
- Намысы джокъну – дуниясы джокъ.
- Арбаз къынгырды да, ийнек сауалмайма.
- Ишни ахырын ойламай, аллын башлама.
- Тенги кёбню джау алмаз, акъылы кёбню дау алмаз.
- Байлыкъ тауусулур, билим тауусулмаз.
- Дуния малгъа сатылма, кесингден телиге къатылма.
- Ётюрюкчюню шагъаты – къатында.
- Кюн – узун, ёмюр – къысха.
- Тёрдеги кюлсе, эшикдеги ышарыр.
- Ач – эснер, ат – кишнер.
- Адам къыйынлыгъын кёлтюрюр, зауукълугъун кёлтюрмез.
- Аууздан келген, къолдан келсе, ким да патчах болур эди.
- Аллахдан тилесенг, кёб тиле.
- Джырчы джырчыгъа – къарнаш.
- Ата джурт – алтын бешик.
- Ариу сёзде ауруу джокъ.
- Сабийликде юретмесенг, уллу болса – тюзелмез.
- Аман киши кеси юйюнде – къонакъ.
- Джылыгъа джылан илешир.
- Айран ичген – къутулду, джугъусун джалагъан – тутулду.
- Бир онгсуз адам адет чыгъарды, деб эштирик тюлсе.
- Кеси юйюмде мен да ханма.
- Тас болгъан бычакъны сабы – алтын.
- Таула не мийик болсала да, аууш табылыр.
- Айран тёгюлсе, джугъусу къалыр.
- Насыб бютеу халкъны юлюшюдю.
- Эр абынмай, эл танымаз.
- Къайгъы тюбю – тенгиз.
- Джырчы ёлсе, джыры къалыр.
- Кюлме джашха – келир башха.
- Акъыллы башны – тили къысха.
- Асхат ашлыкъ сата, юйдегиси ачдан къата.
- Рысхысына кёре, джаш ёсер, къышлыгъына кёре, мал ёсер.
- «Ёгюз, джаргъа джууукъ барма, меннге джюк боллукъса», - дегенди эшек.
- Алгъанда – джууукъ, бергенде – джау.
- Кимни – тили, тиши онглу, кимни – къолу, иши онглу.
- Ишни аллы бла къууанма да, арты бла къууан.
- Джаханимни кёрмей, джандетге кёл салмазса.
Профиль
|
|
|||