- Оюмсуз атлагъан, аджалсыз ёлюр.
- Халкъны юйю – туугъан джери.
- Уруну арты – къуру.
- Ач бёрюге мекям джокъ.
- Кютгени беш эчки, сызгъыргъаны уа, джерни джарады.
- Джан саулукъ бермей, сан саулукъ бермезсе.
- Къарыусузгъа кюлме, онгсузгъа тийме.
- Ач уят къоймаз.
- Сибиртки да сыйлы болду, кюрек да кюнлю болду.
- Джетген къыз джерли эшекни танымаз.
- Терек ауса, отунчу – кёб.
- Байлыкъ тауусулур, билим тауусулмаз.
- Байма, деб да, къууанма, джарлыма, деб да, джылама.
- Тойгъа алгъа да барма, тойда артха да къалма.
- Тулпарлыкъ, билекден тюл – джюрекден.
- Ойнай билмеген, оюн бузар.
- Сёз – кюмюш, джыр – алтын.
- Эр абынмай, эл танымаз.
- Телиге акъыл салгъандан эсе, ёлгеннге джан салырса.
- Эркишиге тары кебек танг кёрюнюр.
- Тюкюрюк баш джармаз, налат кёз чыгъармаз!
- Джашынгы кесинг юретмесенг, джашау юретир.
- Келгинчи, къонакъ уялыр, келгенден сора, къонакъбай уялыр.
- Аджашханны ызындагъы кёреди, джангылгъанны джанындагъы биледи.
- Ханнга да келеди хариблик.
- Ана кёлю – балада, бала кёлю – талада.
- Къатыны харакетли болса, эри къымсыз болур.
- Харам къарнашдан, халал тенг ашхы.
- Бозанг болмагъан джерге, къалагъынгы сукъма.
- Адамны сабийин сюйген джюреги, бычакъча, джитиди.
- Аман къатын сабий табса, бий болур…
- Ишлемеген – тишлемез.
- Ышармагъан – кюлмез, кюлмеген – къууанчны билмез.
- Аууз сакълагъан – джан сакълар.
- Билмегенинги, билгеннге сор.
- Къартны бурнун сюрт да, оноугъа тут.
- Адебсиз адам – джюгенсиз ат.
- Чомарт бергенин айтмаз.
- Арпа, будай – ащды, алтын, кюмюш а – ташды.
- Абынмазлыкъ аякъ джокъ, джангылмазлыкъ джаякъ джокъ.
- Танг атмайма десе да, кюн къоярыкъ тюйюлдю.
- Ашда уялгъан – мухар, ишде уялгъан – хомух.
- Сютню башын джалагъан къутулур, тюбюн ичген тутулур.
- Акъыллы эркиши атын махтар, акъылсыз эркиши къатынын махтар.
- Окъ къызбайны джокълайды.
- Кюл тюбюндеги от кёрюнмейди.
- Къарт бла баш аша, джаш бла аякъ аша.
- Къарнынг бла ёч алма.
- Сакъ юйюне сау барыр.
- Адамгъа аман кюн соруб келмейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72