- Нарт сёз къарт болмаз.
- Бастасын ашагъан, хантусун да ичер.
- Къарнынг тойгъунчу аша да, белинг талгъынчы ишле.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джырчы ёлсе, джыры къалыр.
- Ач келгенни – тойдур, кеч келгенни – къондур.
- Ишленмеген джаш – джюгенсиз ат, ишленмеген къыз – тузсуз хант.
- Эл ауузу – элек, анга ийнаннган – халек.
- Чалманны аллы къалай башланса, арты да алай барады.
- Туз, гырджын аша, тюзлюк бла джаша.
- Магъанасыз сёз – тауушсуз сыбызгъы.
- Узун джолну барсанг, бюгюн келирсе, къысха джолну барсанг, тамбла келирсе.
- Киштикге къанат битсе, чыпчыкъ къалмаз эди.
- Бет бетге къараса, бет да джерге къарар.
- Ким бла джюрюсенг, аны кёзю бла кёрюнюрсе.
- Хатерли къул болур.
- Акъыл сабырлыкъ берир.
- Адамны адамлыгъы къыйынлыкъда айгъакъланады.
- Къазанчы аман болса, къазаны къайнамаз.
- Айран тёгюлсе, джугъусу къалыр.
- Сагъыш – къартлыкъгъа сюйюмчю.
- Бойнуму джети джерден кессенг да, мен ол ишни этеллик тюлме.
- Джюрек кёзден алгъа кёрюр.
- Кёзю сокъурдан – къоркъма, кёлю сокъурдан – къоркъ.
- Нафысынгы айтханын этме, намысынгы айтханын эт.
- Адамны артындан къара сабан сюрме.
- Таукел адам тау тешер.
- Билгенни къолу къарны джандырыр.
- Шекер бла туз – бир болмаз, ушамагъан – юй болмаз.
- Хар зат кесини орнуна иги.
- Ариу – кёзге, акъыл – джюрекге.
- Эрине къаргъыш этген къатын, эрнин къабар.
- Ата – билек, ана – джюрек!
- Адам туугъан джеринде, ит тойгъан джеринде.
- Тенги кёбню джау алмаз, акъылы кёбню дау алмаз.
- Акъдан къара болмаз.
- Элни кючю – эмеген.
- Хантына кёре тузу, юйюне кёре къызы.
- Тешик этген тынчды, аны джамагъан къыйынды.
- Джашны джигитлиги сорулур, къызны джигерлиги сорулур.
- Ариу джол аджал келтирмез.
- Ашына кёре табагъы, балына кёре къалагъы.
- Мал тутхан – май джалар.
- Биреуню эскиси биреуге джангы болмайды.
- Ашатыргъа иш – ашхы, ишлетирге аш – ашхы.
- Сескекли кесин билдирир.
- Адамны сыфатына къарама, сёзюне къара.
- Ашыкъгъанны этеги бутуна чырмалыр.
- Акъыллы эркиши атын махтар, акъылсыз эркиши къатынын махтар.
- Эки ойлашыб, бир сёлешген.
Профиль
|
Karachay09
 Эльбрусоид
Cообщений: 2
Баллов: 1
Регистрация: 05.06.2014
Последний визит: 11.03.2015 20:57:33
|
|
||||||
|
|
|
||||||