- Ашхы атаны – джашы ашхы, ашхы ананы – къызы ашхы.
- Джигер – джаннга къыйынлыкъ.
- Ётюрюк хапар аякъ тюбю бла джюрюйдю.
- Таукел къуру къалмаз.
- Мен да «сен», дейме, сен да «кесим», дейсе.
- Уллу айтханны этмеген – уллаймаз.
- Ариу сёзде ауруу джокъ.
- Сабийни джумушха джибер да, ызындан бар.
- Чомартны къолу берекет.
- Бозаны арты дауур болур.
- Тёрде – темир таякълы, къаяда – чыпчыкъ аякълы.
- Ойнай билмеген, оюн бузар.
- Ашын ашагъанынгы, башын да сыйла.
- Ач къарынны, токъ билмез
- Чыкълы кюнде чыкъмагъан, чыкъса къуру кирмеген.
- Кечеси – аяз, кюню – къыш, джарлы къаргъагъа бир аш тюш!
- Тилчиден кери бол.
- Тюкюрюк баш джармаз, налат кёз чыгъармаз!
- Босагъагъа джууукъ орун болса, ашыгъыб тёрге озма.
- Эл ауузу – элек, анга ийнаннган – халек.
- Чакъырылмагъан джерге барма, чакъырылгъан джерден къалма.
- Ач да бол, токъ да бол – намысынга бек бол.
- Кёзюнде тереги болгъан, чёбю болгъаннга кюле эди.
- Къонакъ аз олтурур, кёб сынар.
- Мал тутхан – май джалар.
- Къолунгдан къуймакъ ашатсанг да, атаны борчундан къутулмазса.
- Айранны сюйген, ийнек тутар.
- Гугурук къычырмаса да, тангны атары къалмаз.
- Кесине гебен этелмеген, биреуге черен эте эди.
- Джарлы эскисин джамаса, къууаныр.
- Агъач – джерни чырайы, кийим – эрни чырайы.
- Бир онгсуз адам адет чыгъарды, деб эштирик тюлсе.
- Ашыкъгъанны этеги бутуна чырмалыр.
- Ата – баланы уясы.
- Къарнынг къанлынга кийирир.
- Тулпарлыкъ, билекден тюл – джюрекден.
- Башсыз урчукъ тюзюне айланмаз.
- Эм уллу байлыкъ – джан саулукъ.
- Туз, гырджын аша, тюзлюк бла джаша.
- Керек ташны ауурлугъу джокъ.
- Дууулдаса – бал чибин, къонса – къара чибин.
- Мал ёлсе, сюек къалыр, адам ёлсе, иши къалыр.
- Тойгъанлыкъ къойгъа джарашады.
- Билим – акъылны чырагъы.
- Тойгъан джерден туугъан джер игиди.
- Урама да – ёледи, сатама да – келеди.
- Адамны джюреги нени кёрюрге сюйсе, кёзю да аны кёрюрге ёч болады.
- Адам туугъан джеринде, ит тойгъан джеринде.
- Джетген къыз джерли эшекни танымаз.
- Таула не мийик болсала да, аууш табылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72