Эльбрусоид :: Форум

Ауузу бла къуш тута айланады.
Чомарт джарлы болмаз.
Байны къызы баймакъ болса да, юйде къалмаз!
Айран ичген – къутулду, джугъусун джалагъан – тутулду.
Соргъан айыб тюлдю, билмеген айыбды.
Суугъа – чабакъ, къаягъа – ыргъакъ.
Илму – джашауну джолу.
Бермеген къол, алмайды.
Терслик кетер, тюзлюк джетер.
Аман адам этегингден тутса, кес да къач.
Къызны минг тилер, бир алыр.
Уруну арты – къуру.
Ишге юренсин къоллары, халкъ бла болсун джоллары.
Эл элде бирер малынг болгъандан эсе, бирер тенгинг болсун.
Ашда уялгъан – мухар, ишде уялгъан – хомух.
Суу кетер, таш къалыр.
Чакъырылмай келген къонакъ сыйланмай кетер.
Аманнга алтын чыдамаз.
Агъач халкъгъа алтынды, иссиликге салкъынды.
Аманны эки битли тону болур, бирин сеннге кийдирир, бирин кеси киер.
Адам туугъан джеринде, ит тойгъан джеринде.
Киштикге къанат битсе, чыпчыкъ къалмаз эди.
Гугурук къычырмаса да, тангны атары къалмаз.
Аш иеси бла татлыды.
Ёзденликни джайгъан – джокълукъ.
Къарын къуру болса, джюрек уру болур.
Зар адамны насыбы болмаз.
Иги адамны бир сёзю эки болмаз.
Айырылгъанланы айю ашар, бёлюннгенлени бёрю ашар.
Къарнынг бла ёч алма.
Этни да ашады, бетни да ашады.
Ата джурт – алтын бешик.
Эки ойлашыб, бир сёлешген.
Ёмюрлюк шохлукъну джел элтмез.
Тойгъан антын унутур.
Мухарны эси – ашарыкъда.
Джырына кёре эжиую.
Аш берме да, къаш бер.
Къанны къан бла джуума, аманны аман бла къуума.
Башда акъыл болмаса, эки аякъгъа кюч джетер.
Борчунг бар эсе, хурджунунга ойлаб узал.
Джаным-тиним – окъуу, билим.
Мураты болгъанны джюрек тебюую башхады.
Байлыкъ болгъан джерде, тынчлыкъ джокъду.
Эрине къаргъыш этген къатын, эрнин къабар.
Ач отунчуну ачыуу – бурнунда.
Кюн – узун, ёмюр – къысха.
Намысы джокъну – дуниясы джокъ.
Юй ишлеген балта эшикде къалыр.
Кютгени беш эчки, сызгъыргъаны уа, джерни джарады.

Логин:
Пароль:
	Запомнить меня на этом компьютере

Забыли свой пароль?
Регистрация