- Джарлы эскисин джамаса, къууаныр.
- Къозулугъунда тоймагъан, къойлугъунда тоймаз.
- Адамны аманы адамны бети бла ойнар.
- Тау башында, тау болмаз, джангыз терек, бау болмаз.
- Берекет берсин деген джерде, берекет болур.
- Аууз сакълагъан – джан сакълар.
- Сютден ауузу кюйген, суугъа юфгюре эди.
- Къызны минг тилер, бир алыр.
- Аджашхан тёгерек айланыр.
- Къатыны харакетли болса, эри къымсыз болур.
- Ёксюзню къалачы уллу кёрюнюр.
- Сескекли кесин билдирир.
- Дуния аламаты сен эсенг да, игиме деб айтма.
- Тамчы таш тешер.
- Акъыл неден да кючлюдю.
- Тил бла келеди джыр да.
- Алма терегинден кери кетмез.
- Байлыкъ болгъан джерде, тынчлыкъ джокъду.
- Ханнга да келеди хариблик.
- Къонакъ аз олтурур, кёб сынар.
- Чоюнну башы ачыкъ болса, итге уят керекди.
- Айтылгъан сёз ызына къайтмаз.
- Иги сёз – джаннга азыкъ, аман сёз башха – къазыкъ.
- Эрине къаргъыш этген къатын, эрнин къабар.
- Тойгъанлыкъ къойгъа джарашады.
- Татлы тилде – сёз ариу, чемер къолда – иш ариу.
- Ишлегенден, къарагъан уста.
- Суу да къайтады чыкъгъан джерине.
- Насыблы элин сюер, насыбсыз кесин сюер.
- Сабийни джумушха джибер да, ызындан бар.
- Халкъны джырын джырласанг, халкъ санга эжиу этер.
- Тешигини къатында, чычхан да батыр болур.
- Биреуню тёрюнден, кесинги эшик артынг игиди.
- Таякъ этден ётер, тил сюекден ётер.
- Зарда марда джокъ.
- Биреу къой излей, биреу той излей.
- Ариу сёз – къылычдан джити.
- Бети бедерден, намыс сакълама.
- Сабыр джетер муратха, сабырсыз къалыр уятха.
- Сютню башын джалагъан къутулур, тюбюн ичген тутулур.
- Бек анасы джыламаз.
- Къобан да къуру да къобханлай турмайды, адам да къуру да патчахлай турмайды.
- Къазанны башы ачыкъ болса, итге уят керекди.
- Баланы адам этген анады.
- Гугурук къычырмаса да, тангны атары къалмаз.
- Эркиши – от, тиширыу – суу.
- Акъыл къартда, джашда тюйюлдю – башдады.
- Таукелге нюр джауар.
- Уясында не кёрсе, учханында аны этер.
- Эртде тургъан джылкъычыны эркек аты тай табар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72