- Ишлерге уял да, ашаргъа табма.
- Экиндини кеч къылсанг, чабыб джетер ашхам.
- Акъыл аздырмаз, билим тоздурмаз.
- Тойгъан антын унутур.
- Ётюрюкчюню шагъаты – къатында.
- Джукъу тёшек сайламайды.
- Акъыллы башны – тили къысха.
- Къуру гыбыт бек дыгъырдар.
- Тил – миллетни джаны.
- Кюлме джашха – келир башха.
- Эски джаугъа ышанма.
- Ашха уста, юйюнде болсун
- Къолу уллу – асыу, аягъы уллу – джарсыу.
- Сыфатында болмагъаны, суратында болмаз.
- Чоюнну башы ачыкъ болса, итге уят керекди.
- Тил бла келеди джыр да.
- Мухарны эси – ашарыкъда.
- Нёгерсизни джолу узун.
- Адамны аманы адамны бети бла ойнар.
- Ашына кёре табагъы, балына кёре къалагъы.
- Сакъалы текени да бар, мыйыгъы киштикни да бар.
- Чабар ат – джетген къыз.
- Накъырда – кертини келечиси.
- Тюзлюк шохлукъну бегитир.
- Кёзюнде тереги болгъан, чёбю болгъаннга кюле эди.
- Ётюрюк хапар аякъ тюбю бла джюрюйдю.
- Урама да – ёледи, сатама да – келеди.
- Ашхы адам – халкъ байлыгъы, ашхы джер – джашау байлыгъы.
- Тойну къарнашы – харс, джырны къарнашы – эжиу.
- Ауругъан – джашаудан умутчу.
- Билимден уллу байлыкъ джокъду.
- Кёб джашагъан – кёб билир.
- Сабийни джумушха джибер да, ызындан бар.
- Тёрени джагъы джокъ.
- Мал тутхан – май джалар.
- Аманнга игилик этсенг, юйюнге сау бармазса.
- Ойнай-ойнай кёз чыгъар.
- Эркишиге тары кебек танг кёрюнюр.
- Абынмазлыкъ аякъ джокъ, джангылмазлыкъ джаякъ джокъ.
- Накъырданы арты керти болур.
- Бети къызарыучу адамны, джюреги харам болмаз.
- Аман хансны – урлугъу кёб.
- Тёзген – тёш ашар!
- Тил джюрекге джол ишлейди.
- Адамгъа аман кюн соруб келмейди.
- Тили узунну, намысы – къысха.
- Сормай – алма, чакъырылмай – барма.
- Огъурлуну сёзю – суу, огъурсузну сёзю – уу.
- Биреуню эскиси биреуге джангы болмайды.
- Тиширыусуз юй – отсуз от джагъа.
Профиль
|
|
|
|||