- Ашарыкъда сайлагъаннга – чий гырджын.
- Къазанны башы ачыкъ болса, итге уят керекди.
- Сескекли кесин билдирир.
- Джол бла сёзню къыйыры джокъ.
- Джаханимни кёрмей, джандетге кёл салмазса.
- Аз сёлеш, кёб ишле.
- Окъуу – билимни ачхычы, окъуу – дунияны бачхычы.
- Къая джолда джортма, ачыкъ сёзден къоркъма.
- Адамны бетине къарама, адетине къара.
- Чёбню кёлтюрсенг, тюбюнден сёз чыгъар.
- Ана къолу ачытмаз.
- Тилчи бир сагъатха айлыкъ хата этер.
- Юй ишлеген балта эшикде къалыр.
- Огъурлуну сёзю – суу, огъурсузну сёзю – уу.
- Акъыллы башны – тили къысха.
- Джылар джаш, атасыны сакъалы бла ойнар.
- Керек ташны ауурлугъу джокъ.
- Ёксюзню къалачы уллу кёрюнюр.
- Бетинги сатма, малынгы сат.
- Билим къая тешер.
- Намысы болмагъанны, сыйы болмаз.
- Башынга джетмегенни сорма.
- Миллетни бойну – базыкъ, аны бла кюрешген – джазыкъ.
- Джашынгы кесинг юретмесенг, джашау юретир.
- Къонакъ кёб келюучю юйню, къазаны отдан тюшмез.
- Адам туугъан джеринде, ит тойгъан джеринде.
- Ата джурт – алтын бешик.
- Ана къойну – балагъа джандет.
- Адебсиз адам – джюгенсиз ат.
- Суу да къайтады чыкъгъан джерине.
- Тойгъа барсанг, тоюб бар, эски тонунгу къоюб бар.
- Окъумагъан сокъурду, сокъур ташха абыныр!
- Тёгюлген тюгел джыйылмайды.
- Башы ишлегенни, ауузу да ишлер.
- Акъылсызны джууукъгъа алма, акъыллыны кенгнге салма.
- Къарнынг тойгъунчу аша да, белинг талгъынчы ишле.
- Кёзю сокъурдан – къоркъма, кёлю сокъурдан – къоркъ.
- Кесинге джетмегенни, кёб сёлешме.
- Экиндини кеч къылсанг, чабыб джетер ашхам.
- Ариу сёз – джаннга азыкъ, аман сёз – башха къазыкъ.
- Къыйынлы джети элге оноу этер.
- Ана кёлю – балада, бала кёлю – талада.
- Ёлген ийнек сютлю болур.
- Ишни аллы бла къууанма да, арты бла къууан.
- Уруну арты – къуру.
- Бозаны арты дауур болур.
- Акъыл аздырмаз, билим тоздурмаз.
- Башы джабылгъан челекге, кир тюшмез.
- Кирсизни – саны таза, халалны – къаны таза.
- Сабийликде юретмесенг, уллу болса – тюзелмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72