- Сабыр джетер муратха, сабырсыз къалыр уятха.
- Бет бетге къараса, бет да джерге къарар.
- Айранын берсенг, челегин да къызгъанма.
- Ишге юренсин къоллары, халкъ бла болсун джоллары.
- Таякъ этден ётер, тил сюекден ётер.
- Этим кетсе да, сюегим къалыр.
- Мухардан ач ычхынмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашда уялгъан – мухар, ишде уялгъан – хомух.
- Адамны аманы адамны бети бла ойнар.
- Джарлы эскисин джамаса, къууаныр.
- Къумурсхала джыйылсала, пилни да джыгъадыла.
- Эллинг бла джау болсанг да, юйюнг бла джау болма.
- Хата – гитчеден.
- Адам туугъан джеринде, ит тойгъан джеринде.
- Чабакъсыз кёлге къармакъ салгъанлыкъгъа, чабакъ тутмазса.
- Ата – билек, ана – джюрек!
- Биреуню тёрюнден, кесинги эшик артынг игиди.
- Джангыз терек къынгыр ёсер.
- Джаханимни кёрмей, джандетге кёл салмазса.
- Билимден уллу байлыкъ джокъду.
- Ойнай билмеген, уруб къачар.
- Кёз – сюйген джерде, къол – ауругъан джерде.
- Байлыкъ тауусулур, билим тауусулмаз.
- Джылыгъа джылан илешир.
- Элге къуллукъ этмеген, элге ие болмаз.
- Ойнай-ойнай кёз чыгъар.
- Кёб джат да, бек чаб.
- Керти сёзге тёре джокъ.
- Ойнай билмеген, оюн бузар.
- Сакъ юйюне сау барыр.
- Ариу сёз – джаннга азыкъ, аман сёз – башха къазыкъ.
- Къайгъыны сюйген, къайгъы табар.
- Уллу къазанда бишген эт, чий къалмаз.
- Элиб деген, элге болушур.
- Накъырданы арты керти болур.
- Джиби бир къат джетмей эди да, эки къат тарта эди.
- Аманны эки битли тону болур, бирин сеннге кийдирир, бирин кеси киер.
- Джырчы джырчыгъа – къарнаш.
- Джашда акъыл джокъ, къартда къарыу джокъ.
- Чоюнну башы ачыкъ болса, итге уят керекди.
- Ашхылыкъ джерде джатмайды, аманлыкъ суугъа батмайды.
- Кёкдеги болмаса, джердегин кёрмейди.
- Акъыл сабырлыкъ берир.
- Къолу уллу – асыу, аягъы уллу – джарсыу.
- Кесине оноу эте билмеген, халкъына да эте билмез.
- Бети бедерден, намыс сакълама.
- Ишленмеклик адамлыкъды.
- Эли джокъну – кёлю джокъ.
- Кийим тукъум сордурур.
Профиль
|
|
|
|||