- Джюрекден джюрекге джол барды.
- Таукел тауну аудурур.
- Джаш болсун, къыз болсун, акъылы, саны тюз болсун.
- Эринчекге кюн узун.
- Аджал соруб келмез, келсе, къайтыб кетмез.
- Тёрдеги кюлсе, эшикдеги ышарыр.
- Къазанны башы ачыкъ болса, итге уят керекди.
- Къонакъ хазыр болгъанлыкъгъа, къонакъбай хазыр тюлдю.
- Тойгъанлыкъ къойгъа джарашады.
- Аджашхан тёгерек айланыр.
- Билген билмегенни юретген адетди.
- Къарын къуру болса, джюрек уру болур.
- Тиширыусуз юй – отсуз от джагъа.
- Баш – акъыл ючюн, акъылман – халкъ ючюн.
- Аманны къуугъан, аманлыкъ табар.
- Ашда уялгъан – мухар, ишде уялгъан – хомух.
- Таш ата билмеген, башына урур.
- Ишлемеген – тишлемез.
- Окъдан джара эртде-кеч болса да бителир, сёз джара, ёмюрге къалыр.
- Чарсда алчыны эл кёреди.
- Ёзденликни кёбю ётюрюк.
- Джаралыны джастыгъында сау ёлюр.
- Итли къонакъ джарашмаз.
- Ашаса, ашамаса да, бёрюню ауузу – къан.
- Джумушакъ сёз къаты таякъны сындырыр.
- Эл ауузу – элек, анга ийнаннган – халек.
- Джаш къарыу бла кючлю, къарт акъыл бла кючлю.
- Уллу сёлешме да, уллу къаб.
- Къатын къылыкъсыз, эр тынчлыкъсыз.
- Къралынгы – душмандан, башынгы от бла суудан сакъла.
- Тау башында, тау болмаз, джангыз терек, бау болмаз.
- Уруну арты – къуру.
- Телиге акъыл салгъандан эсе, ёлгеннге джан салырса.
- Джылар джаш, атасыны сакъалы бла ойнар.
- Тойчу джашха къарама, къойчу джашха къара.
- Кесинге джетмегенни, кёб сёлешме.
- Джеринден айырылгъан – джети джылар, джуртундан айырылгъан – ёлгюнчю джылар.
- Къыз чыгъаргъан – къызыл къымжа.
- Керилген да, ургъан кибикди.
- Харам къарнашдан, халал тенг ашхы.
- Элни кючю – эмеген.
- Окъуу – билимни ачхычы, окъуу – дунияны бачхычы.
- Тил – кесген бычакъ, сёз – атылгъан окъ.
- Мал ёлсе, сюек къалыр, адам ёлсе, иши къалыр.
- Ач бёрюге мекям джокъ.
- Экеулен сёлеше тура эселе, орталарына барыб кирме.
- Къайгъыны сюйген, къайгъы табар.
- Айранны сюйген, ийнек тутар.
- Адамны бетине къарама, адетине къара.
- Къозулугъунда тоймагъан, къойлугъунда тоймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72