- Къонакъ кёб келюучю юйню, къазаны отдан тюшмез.
- Иги сеники эсе да, сюйген кесимикин этеме.
- Джашда акъыл джокъ, къартда къарыу джокъ.
- Артына баргъанны, къатына барма.
- Иги болса, тамадама – махтау, аман болса, меннге – айыб.
- Накъырда – кертини келечиси.
- Эшекни не къадар тюйсенг да, ат болмаз.
- Джарлы эскисин джамаса, къууаныр.
- Тойгъан джерге джети къайт.
- Этни бети бла шорпасы.
- Тенгни тенглиги джашай барсанг билинир.
- Эркиши – от, тиширыу – суу.
- Ачыкъ джюрекге джол – ачыкъ.
- Ариу джол аджал келтирмез.
- Къарт айтханны этмеген, къартаймаз.
- Сангырау къулакъ эл бузар.
- Билеги кючлю, бирни джыгъар, билими кючлю, мингни джыгъар.
- Хар зат кесини орнуна иги.
- Ач отунчуну ачыуу – бурнунда.
- Уллу сёлешме да, уллу къаб.
- Элге къуллукъ этмеген, элге ие болмаз.
- Минг тенг да азды, бир джау да кёбдю.
- Миллетни бойну – базыкъ, аны бла кюрешген – джазыкъ.
- Ишлемеген – тишлемез.
- Байлыкъ келсе, акъыл кетер.
- Кирсизни – саны таза, халалны – къаны таза.
- Къобан да къуру да къобханлай турмайды, адам да къуру да патчахлай турмайды.
- Къарнынг къанлынга кийирир.
- Чыкълы кюнде чыкъмагъан, чыкъса къуру кирмеген.
- Баланы адам этген анады.
- Ичимден чыкъды хата, къайры барайым сата?
- Бет бетге къараса, бет да джерге къарар.
- Юй кюйдю да, кюйюз чыкъды, ортасындан тюйюш чыкъды.
- Къолу уллу – асыу, аягъы уллу – джарсыу.
- Акъыл аздырмаз, билим тоздурмаз.
- Къазанны башы ачыкъ болса, итге уят керекди.
- Эл бла кёргенинг эрелей.
- Татлы тилде – сёз ариу, чемер къолда – иш ариу.
- Мураты болгъанны джюрек тебюую башхады.
- Ашхы болсанг, атынг чыгъар, аман болсанг, джанынг чыгъар.
- Арба аугъандан сора, джол кёргюзтюучю кёб болур.
- Аууздан келген, къолдан келсе, ким да патчах болур эди.
- Кюл тюбюндеги от кёрюнмейди.
- От этилмеген джерден тютюн чыкъмайды.
- Тойгъанлыкъ къойгъа джарашады.
- Къаллай салам берсенг, аллай джууаб алырса.
- Ач бёрюге мекям джокъ.
- Эки къатын алгъанны къулагъы тынгнгаймаз.
- Аман хансны – урлугъу кёб.
- Рысхы – сют юсюнде кёмюк кибикди.
Профиль
|
|
|||