- Тамырсыз терекге таянма – джыгъылырса.
- Ата – билек, ана – джюрек!
- Нарт сёз къарт болмаз.
- Иги адам абынса да, джангылмаз.
- Къая джолда джортма, ачыкъ сёзден къоркъма.
- Суугъа – таянма, джаугъа – ийнанма.
- Адамны аты башхача, акъылы да башхады.
- Насыб бютеу халкъны юлюшюдю.
- Баланы адам этген анады.
- Кесинг сынамагъан затны, адамгъа буюрма.
- Ургъан суудан башынгы сакъла.
- Кирсизни – саны таза, халалны – къаны таза.
- Сескекли кесин билдирир.
- Къонакъ аман болса, къонакъбай джунчур
- Кесине оноу эте билмеген, халкъына да эте билмез.
- Къонакъ кёб келюучю юйню, къазаны отдан тюшмез.
- Орну джокъну – сыйы джокъ.
- Огъурлуну сёзю – суу, огъурсузну сёзю – уу.
- Къозулугъунда тоймагъан, къойлугъунда тоймаз.
- Насыблы элин сюер, насыбсыз кесин сюер.
- Билимден уллу байлыкъ джокъду.
- Экеулен сёлеше тура эселе, орталарына барыб кирме.
- Аллахдан тилесенг, кёб тиле.
- Тили узунну, намысы – къысха.
- Гыдай эчки суугъа къараб, мюйюзле кёрмесе, джашма алкъын, дегенди.
- Адебни адебсизден юрен.
- Джашлыкъ этмеген, башлыкъ этмез.
- Сабыр джетер муратха, сабырсыз къалыр уятха.
- Джауумдан сора, кюн кюйдюрюр, ётюрюкден сора, айыб кюйдюрюр.
- Хар сёзню орну барды.
- Сыфатында болмагъаны, суратында болмаз.
- Таукел къуру къалмаз.
- Сормай – алма, чакъырылмай – барма.
- Сёз садакъдан кючлюдю.
- Эркишини аманы тиширыуну джылатыр.
- Хазыр ашха – терен къашыкъ.
- Илму – джашауну джолу.
- Суу да къайтады чыкъгъан джерине.
- Юйлю уругъа ит чабмаз.
- Болджал ишни бёрю ашар.
- Аманнга да, игиге да оноусуз къатышма.
- Байлыкъдан саулукъ ашхыды.
- Джылкъыдан – ат чыгъар, тукъумдан – джаш чыгъар.
- Ана къолу ачытмаз.
- Хар зат кесини орнуна иги.
- Хатерли къул болур.
- Кийимни бир кюнню аясанг, минг кюннге джарар.
- Соргъан айыб тюлдю, билмеген айыбды.
- Кийим тукъум сордурур.
- Кёб къычыргъандан – къоркъма, тынч олтургъандан – къоркъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72