Эльбрусоид :: Форум

Аманны эки битли тону болур, бирин сеннге кийдирир, бирин кеси киер.
Къарнынг бла ёч алма.
Ачны эсинде – аш.
Таукел тауну аудурур.
Борчунг бар эсе, хурджунунга ойлаб узал.
Мал тутхан – май джалар.
Ашына кёре табагъы, балына кёре къалагъы.
Къатыны харакетли болса, эри къымсыз болур.
Ариу джол аджал келтирмез.
Айырылмаз джууугъунга, унутмаз сёзню айтма.
Эрни эр этерик да, къара джер этерик да, тиширыуду.
Джолда аягъынга сакъ бол, ушакъда тилинге сакъ бол.
Тойчу джашха къарама, къойчу джашха къара.
Биреуню къыйынлыгъы бла кесинге джол ишлеме.
Ана къойну – балагъа джандет.
Нарт сёз къарт болмаз.
Чыбыкълыкъда бюгюлмеген, къазыкълыкъда бюгюлмей эди.
Ойнай-ойнай кёз чыгъар.
Ариу – кёзге, акъыл – джюрекге.
Эр сокъур болсун, къатын тилсиз болсун.
Узун джолну барсанг, бюгюн келирсе, къысха джолну барсанг, тамбла келирсе.
Керти сёзге тёре джокъ.
Эринчекге кюн узун.
Ашыкъгъан cуу, тенгизге джетмез.
Ханнга да келеди хариблик.
Харам къарнашдан, халал тенг ашхы.
Этни да ашады, бетни да ашады.
Тёзген – тёш ашар!
Айран ичген – къутулду, джугъусун джалагъан – тутулду.
Адеб этмеген, адеб кёрмез.
Къолунгдан къуймакъ ашатсанг да, атаны борчундан къутулмазса.
Эли джокъну – кёлю джокъ.
Биреуге аманлыкъ этиб, кесинге игилик табмазса.
Иесиз малны бёрю ашар.
Элге къуллукъ этмеген, элге ие болмаз.
Уруну арты – къуру.
Къолу уллу – асыу, аягъы уллу – джарсыу.
Къонагъы джокъну – шоху джокъ.
Ачлыкъ отха секиртир.
Тенгинг джокъ эсе – изле, бар эсе – сакъла!
Джарлыны эшигин махтагъан джабар.
Джаш болсун, къыз болсун, акъылы, саны тюз болсун.
Къыз чыгъаргъан – къызыл къымжа.
Джиби бир къат джетмей эди да, эки къат тарта эди.
Адамны адамлыгъы къыйынлыкъда айгъакъланады.
Аллахха ийнаннган кишини, Аллах онгдурур ишин.
Адамны аманы адамны бети бла ойнар.
Агъач халкъгъа алтынды, иссиликге салкъынды.
«Ма», - дегенни билмесенг, «бер», - дегенни билмезсе.
Ёлмесенг да, къарт дамы болмазса?

Логин:
Пароль:
	Запомнить меня на этом компьютере

Забыли свой пароль?
Регистрация