- Эрни эр этерик да, къара джер этерик да, тиширыуду.
- Кёб ант этген, кёб ётюрюк айтыр.
- Чомартны къолун джокълукъ байлар.
- Кёб джашагъан – кёб билир.
- Тойгъан джерден туугъан джер игиди.
- Чомартха хар кюн да байрамды.
- Къыйынлы джети элни къайгъысын этер.
- Джюрекге ариу – кёзге да ариу.
- Гугук кесини атын айтыб къычыргъанча, мен, мен деб нек тураса?
- Адебсиз адам – джюгенсиз ат.
- Шайтан алдады, тюзлюк къаргъады.
- Тёрде – темир таякълы, къаяда – чыпчыкъ аякълы.
- Аш иеси бла татлыды.
- Дженгил джетерикме деб, узун джолну къоюб, къысхасын барма.
- Соргъан айыб тюлдю, билмеген айыбды.
- Мал ёлсе, сюек къалыр, адам ёлсе, иши къалыр.
- Айтханы чапыракъдан ётмеген.
- Эл тойса, тоймагъан, эл къойса, къоймагъан.
- Байлыкъдан саулукъ ашхыды.
- Иги сеники эсе да, сюйген кесимикин этеме.
- Башланнган иш битер, къымылдагъан тиш тюшер.
- Ачыкъ джюрекге джол – ачыкъ.
- Къар – келтирди, суу – элтди.
- Джюрек кёзден алгъа кёрюр.
- Ачлыкъда тары гырджын халыуадан татлы.
- Кёз – сюйген джерде, къол – ауругъан джерде.
- Биреуге аманлыкъны тилеме да, кесинге ашхылыкъны тиле.
- Тёзген – тёш ашар!
- Кийиминг бла танылма, адамлыкъ бла таныл.
- Джиби бир къат джетмей эди да, эки къат тарта эди.
- Ишни аллы бла къууанма да, арты бла къууан.
- Билим ат болуб да чабар, къуш болуб да учар.
- Сабийни джумушха джибер да, ызындан бар.
- Къызбайны юйюне дери сюрсенг, батыр болур.
- Байны оноуу, джарлыгъа джарамаз.
- Тас болгъан бычакъны сабы – алтын.
- Сыфатында болмагъаны, суратында болмаз.
- Ауузу бла къуш тута айланады.
- Арбаз къынгырды да, ийнек сауалмайма.
- Сютню башын джалагъан къутулур, тюбюн ичген тутулур.
- Суу да къайтады чыкъгъан джерине.
- Ёгюзню мюйюзлери ауурлукъ этмейдиле.
- Кёпюр салгъан кеси ётер, уру къазгъан кеси кетер.
- Ач бёрюге мекям джокъ.
- Тынгылагъан тынгы бузар.
- Бозаны арты дауур болур.
- Джумушакъ терекни къурт ашар.
- Ач, тоймам, дейди, тойгъан, ач болмам, дейди.
- Чомартны къолу берекет.
- Иги сёз – джаннга азыкъ, аман сёз башха – къазыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72