- Огъурлуну сёзю – суу, огъурсузну сёзю – уу.
- Къарнынг ауруса, ауузунгу тый
- Итли къонакъ джарашмаз.
- Азыкъ аз болса, эртде орун сал.
- Ётюрюкден тюбю джокъ, кёлтюрюрге джиби джокъ.
- Айтхан сёзюне табылгъан.
- Таугъа чыгъаллыкъ эсенг, тюзде къалма.
- Акъыл аздырмаз, билим тоздурмаз.
- Ата Джуртуму башы болмасам да, босагъасында ташы болайым.
- Кёлю джокъну – джолу джокъ.
- Билеги кючлю, бирни джыгъар, билими кючлю, мингни джыгъар.
- Аз сёлешген, къайгъысыз турур.
- Айтылгъан буйрукъ, сёгюлмез
- Къонагъы джокъну – шоху джокъ.
- Биреу ашаб къутулур, биреу джалаб тутулур.
- Тил – миллетни джаны.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Байма, деб да, къууанма, джарлыма, деб да, джылама.
- Мени джылытмагъан кюн, меннге тиймесин!
- Ашхы тенг джолгъа салыр, аман тенг джолдан тайдырыр.
- Алма терегинден кери кетмез.
- Бек анасы джыламаз.
- Ишни аллы бла къууанма да, арты бла къууан.
- Ауурну тюбю бла, дженгилни башы бла джюрюген.
- Хунаны тюбюн къазсанг, юсюнге ауар.
- Накъырданы арты керти болур.
- Къайтырыкъ эшигинги, къаты уруб чыкъма.
- Аз айтсам, кёб ангылагъыз.
- Билим ат болуб да чабар, къуш болуб да учар.
- Ашына кёре табагъы, балына кёре къалагъы.
- Акъыл неден да кючлюдю.
- Ат да турмайды бир териде.
- Джети тилни билген джети кишиди.
- Къыз тиширыу кеси юйюнде да къонакъды.
- Бир онгсуз адам адет чыгъарды, деб эштирик тюлсе.
- Ашхылыкъ джерде джатмайды, аманлыкъ суугъа батмайды.
- Джаралыны джастыгъында сау ёлюр.
- Адебсиз адам – джюгенсиз ат.
- Татлы сёз – балдан татлы.
- Кёб къычыргъандан – къоркъма, тынч олтургъандан – къоркъ.
- Адеб джокъда, намыс джокъ.
- Керти сёзге тёре джокъ.
- Мен да «сен», дейме, сен да «кесим», дейсе.
- Айныгъанлы алты кюн, тогъайгъанлы тогъуз кюн.
- Ачны эсинде – аш.
- Ач отунчуну ачыуу – бурнунда.
- Кесине гебен этелмеген, биреуге черен эте эди.
- Сескекли кесин билдирир.
- Ишин билген, аны сыйын чыгъарады.
- Иги джашны ышаны – аз сёлешиб, кёб тынгылар.
Профиль
|
|
|
|||