- Тилчи бир сагъатха айлыкъ хата этер.
- Болджал ишни бёрю ашар.
- Къонакъ аз олтурур, кёб сынар.
- Эр сокъур болсун, къатын тилсиз болсун.
- Кимни – тили, тиши онглу, кимни – къолу, иши онглу.
- Хата – гитчеден.
- Тёгюлген тюгел джыйылмайды.
- Халкъгъа джарагъан, джарлы къалмаз.
- Ойнай билмеген, оюн бузар.
- Акъыл сабырлыкъ берир.
- Акъыллы – эл иеси, тели – эл баласы.
- Билмейме деген – бир сёз
- Ач отунчуну ачыуу – бурнунда.
- Башы джабылгъан челекге, кир тюшмез.
- Иги джашны ышаны – аз сёлешиб, кёб тынгылар.
- Джаз бир кюнню джатсанг, къыш талай кюнню абынырса.
- Таула не мийик болсала да, аууш табылыр.
- Иги – алгъыш этер, аман – къаргъыш этер.
- Кёзден кетген, кёлден да кетеди.
- Ариу сёз аурууунгу алыр.
- Биреуге аманлыкъ этиб, кесинге игилик табмазса.
- Акъыллы айтыр эди, акъылсыз къоймайды.
- Арбаз къынгырды да, ийнек сауалмайма.
- Адебни адебсизден юрен.
- Нёгерсизни джолу узун.
- Джашлыкъ этмеген, башлыкъ этмез.
- Къызын тута билмеген, тул этер, джашын тута билмеген, къул этер.
- Къартха ушагъан джаш – акъыллы, джашха ушагъан къарт – тели.
- Чомарт къолда мал къалмаз.
- Аякъларынгы джууургъанынга кёре узат.
- Къызгъанчдан ычхыныр, мухардан ычхынмаз.
- Къоркъакъны кёзю экили кёрюр.
- Ариуну – ауруу кёб.
- Эртде тургъан бла эртде юйленнген сокъуранмаз.
- Адамны аманы адамны бети бла ойнар.
- Атадан ёксюз – бир ёксюз, анадан ёксюз – эки ёксюз.
- Чакъырылмагъан джерге барма, чакъырылгъан джерден къалма.
- Аманны къуугъан, аманлыкъ табар.
- Уясында не кёрсе, учханында аны этер.
- Хар зат кесини орнуна иги.
- Ётюрюкден тюбю джокъ, кёлтюрюрге джиби джокъ.
- Биреуге аманлыкъны тилеме да, кесинге ашхылыкъны тиле.
- Эри аманны, къатыны – аман.
- Агъач – джерни чырайы, кийим – эрни чырайы.
- Алтыннга тот къонмаз.
- Бозаны арты дауур болур.
- Ауузу бла къуш тута айланады.
- Билим къая тешер.
- «Ёгюз, джаргъа джууукъ барма, меннге джюк боллукъса», - дегенди эшек.
- Тилде сюек болмаса да, сюек сындырыр.
Профиль
|
|
|
|||