- Къартха ушагъан джаш – акъыллы, джашха ушагъан къарт – тели.
- Сангырау къулакъ эл бузар.
- Тил – миллетни джаны.
- Къар – келтирди, суу – элтди.
- Ойнай билмеген, уруб къачар.
- Ач къалгъандан, кеч къалгъан къолай.
- Ичимден чыкъды хата, къайры барайым сата?
- «Ма», - дегенни билмесенг, «бер», - дегенни билмезсе.
- Къартны бурнун сюрт да, оноугъа тут.
- Башсыз урчукъ тюзюне айланмаз.
- Къошда джокъгъа – юлюш джокъ.
- Бал ашаргъа сюе эсенг, чибин ургъаннга тёз.
- Келинни – келгинчи, бёркню кийгинчи кёр.
- Къралынгы – душмандан, башынгы от бла суудан сакъла.
- Чабар ат – джетген къыз.
- Акъыл бла адеб эгизледиле.
- Адамны сыфатына къарама, сёзюне къара.
- Бозаны арты дауур болур.
- Окъуу – билимни ачхычы, окъуу – дунияны бачхычы.
- Ач бёрюге мекям джокъ.
- Ётюрюкчюню шагъаты – къатында.
- Ётюрюкден тюбю джокъ, кёлтюрюрге джиби джокъ.
- Ёлген ийнек сютлю болур.
- Баргъанынга кёре болур келгенинг.
- Байлыкъ болгъан джерде, тынчлыкъ джокъду.
- Баш – акъыл ючюн, акъылман – халкъ ючюн.
- Тюзлюк тас болмайды.
- Эки итни арасына сюек атма, эки адамны арасында сёз чыгъарма.
- Уруну арты – къуру.
- Окъугъан – асыу, окъумагъан – джарсыу.
- Кийимни бичсенг, кенг бич, тар этген къыйын тюлдю.
- Акъыл неден да кючлюдю.
- Алгъанда – джууукъ, бергенде – джау.
- Ариу сёз – джаннга азыкъ, аман сёз – башха къазыкъ.
- Акъыллы эркиши атын махтар, акъылсыз эркиши къатынын махтар.
- Джигер – джаннга къыйынлыкъ.
- Адамгъа аман кюн соруб келмейди.
- Ач уят къоймаз.
- Джарлыны тону джаз битер.
- Адамны аманы адамны бети бла ойнар.
- Этек чакъмакълары баш джаргъан, сёлешген сёзлери таш джаргъан.
- Аш кетер да бет къалыр.
- Юйюнг бла джау болгъандан эсе, элинг бла джау бол.
- Джашлыкъ этмеген, башлыкъ этмез.
- Башланнган иш битер, къымылдагъан тиш тюшер.
- Мал тутхан – май джалар.
- Таукелге нюр джауар.
- Къулакъдан эсе, кёзге ышан.
- Ат да турмайды бир териде.
- Эрни эр этерик да, къара джер этерик да, тиширыуду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72