Эльбрусоид :: Форум

Джарлы джети элни сёзюн этер.
Адам сёзге тынгыла, акъыл сёзню ангыла.
Aдам боллукъ, сыфатындан белгили.
Къыз тиширыу кеси юйюнде да къонакъды.
Къонакъ аз олтурур, кёб сынар.
Ишлегенден, къарагъан уста.
Мадар болса, къадар болур.
Мал ёлсе, сюек къалыр, адам ёлсе, иши къалыр.
Ариуну – ауруу кёб.
Олтуруб кёрюнмей эди да, ёрге туруб кёрюне эди.
Тин – байлыгъынг, терен саулугъунг.
Иги болса, тамадама – махтау, аман болса, меннге – айыб.
Къан бла кирген, джан бла чыгъар.
Эшекге миннген – биринчи айыб, андан джыгъылгъан – экинчи айыб.
Абынмазлыкъ аякъ джокъ, джангылмазлыкъ джаякъ джокъ.
Ашаса, ашамаса да, бёрюню ауузу – къан.
Игини сыйлагъан адетди.
Ариу – кёзге, акъыл – джюрекге.
Эртде тургъан джылкъычыны эркек аты тай табар.
Узун джолну барсанг, бюгюн келирсе, къысха джолну барсанг, тамбла келирсе.
Мал кёб болса, джууукъ кёб болур.
Ойнаб айтсанг да, эслеб айт.
Ата – билек, ана – джюрек!
Кёб джашагъан – кёб билир.
Соргъан айыб тюлдю, билмеген айыбды.
Уллу сёзде уят джокъ.
Байлыкъ адамны сокъур этер.
Къарт болгъан джерде, берекет болур, сабий болгъан джерде, оюн болур.
Аман адам элни бир-бирине джау этер.
Айранны сюйген, ийнек тутар.
Ауузу бла къуш тута айланады.
Аман адам этегингден тутса, кес да къач.
От кюйдюрген, сау болса да, тот кюйдюрген, сау болмаз.
Адам сёзюнден белгили.
Келинни – келгинчи, бёркню кийгинчи кёр.
Суу ичген шауданынга тюкюрме.
Борчунг бар эсе, хурджунунга ойлаб узал.
Сагъыш – къартлыкъгъа сюйюмчю.
Тамырсыз терекге таянма – джыгъылырса.
Таякъ этден ётер, тил сюекден ётер.
Башы ишлегенни, ауузу да ишлер.
Ёксюзню тилеги къабыл болур.
Кийимни бир кюнню аясанг, минг кюннге джарар.
Ашхы адам – халкъ байлыгъы, ашхы джер – джашау байлыгъы.
Артына баргъанны, къатына барма.
Кёб къычыргъандан – къоркъма, тынч олтургъандан – къоркъ.
Акъыл бла адеб эгизледиле.
Къарт айтханны этмеген, къартаймаз.
Акъыллы айтыр эди, акъылсыз къоймайды.
Дуния мал дунияда къалады.

Логин:
Пароль:
	Запомнить меня на этом компьютере

Забыли свой пароль?
Регистрация