- Эринчекни эр алмаз, эр алса да, кёл салмаз, кёл салса да, кёб бармаз!
- Джаханимни кёрмей, джандетге кёл салмазса.
- Хантына кёре тузу, юйюне кёре къызы.
- Ёксюзню тилеги къабыл болур.
- Акъыл бла адеб эгизледиле.
- Тенги кёбню джау алмаз, акъылы кёбню дау алмаз.
- Чомарт джарлы болмаз.
- Ач келгенни – тойдур, кеч келгенни – къондур.
- Терслик кетер, тюзлюк джетер.
- Адамны аты башхача, акъылы да башхады.
- Ашда – бёрю, ишде – ёлю.
- Абынмазлыкъ аякъ джокъ, джангылмазлыкъ джаякъ джокъ.
- Кютгени беш эчки, сызгъыргъаны уа, джерни джарады.
- Къайгъыны сюйген, къайгъы табар.
- Джарлы джети элни сёзюн этер.
- Аман адамны тепсинге олтуртсанг, къызынгы тилер.
- Экиндини кеч къылсанг, чабыб джетер ашхам.
- Ач, тоймам, дейди, тойгъан, ач болмам, дейди.
- Сабий кёргенин унутмаз.
- Эки къатын алгъан – эки ташны ортасына башын салгъан.
- Джыланны къуйругъундан басарынг келсе, аны башы болгъанын унутма.
- Ариуну – ауруу кёб.
- Къарт айтханны этмеген, къартаймаз.
- Бир абыннган – минг сюрюнюр.
- Бет бетге къараса, бет да джерге къарар.
- Биреуге аманлыкъны тилеме да, кесинге ашхылыкъны тиле.
- Байдан умут эте, джарлыдан ёгюз багъасы къорады.
- Ата – билек, ана – джюрек!
- Башда акъыл болмаса, эки аякъгъа кюч джетер.
- Сёз сёзню айтдырыр.
- Аманны къуугъан, аманлыкъ табар.
- Акъыллы башны – тили къысха.
- Зар адам ашынгы ашар, кесинги сатар.
- Ким бла джюрюсенг, аны кёзю бла кёрюнюрсе.
- Чакъырылмагъан къонакъ къачан кетерин сормаз.
- Шапа кёб болса, аш татымсыз болур.
- Джарлыны эшигин махтагъан джабар.
- Джарлы тюеге минсе да, ит къабар.
- Чарсда алчыны эл кёреди.
- Билгенни къолу къарны джандырыр.
- Байлыкъ тауусулур, билим тауусулмаз.
- Ойнай билмеген, оюн бузар.
- Ачлыкъда тары гырджын халыуадан татлы.
- Джашда акъыл джокъ, къартда къарыу джокъ.
- Кийим тукъум сордурур.
- Къарнынг къанлынга кийирир.
- Аман эсирсе, юйюн ояр.
- Къонагъы джокъну – шоху джокъ.
- Садакъачыны джаны – къапчыгъында.
- Сабийликде юретмесенг, уллу болса – тюзелмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72