- Ёлмесенг да, къарт дамы болмазса?
- Адамны сабийин сюйген джюреги, бычакъча, джитиди.
- Сабийни джумушха джибер да, ызындан бар.
- Садакъачыны джаны – къапчыгъында.
- Джарлыны тону джаз битер.
- Тешигини къатында, чычхан да батыр болур.
- Башсыз урчукъ тюзюне айланмаз.
- Ач да бол, токъ да бол – намысынга бек бол.
- Чомартха хар кюн да байрамды.
- Адам сёзюнден белгили.
- Аурууну келиую тынч, кетиую – къыйын.
- Къыз тиширыу кеси юйюнде да къонакъды.
- Аджал соруб келмез, келсе, къайтыб кетмез.
- Элге къуллукъ этмеген, элге ие болмаз.
- Акъылсызны джууукъгъа алма, акъыллыны кенгнге салма.
- Джигер – джаннга къыйынлыкъ.
- Накъырданы арты керти болур.
- Тилчиден кери бол.
- Аман хансны – урлугъу кёб.
- Эллинг бла джау болсанг да, юйюнг бла джау болма.
- Чалманны аллы къалай башланса, арты да алай барады.
- Аманнга алтын чыдамаз.
- Эте билген, этген этеди, эте билмеген, юретген этеди!
- Джаз бир кюнню джатсанг, къыш талай кюнню абынырса.
- Ёлген эшек бёрюден къоркъмайды.
- Кийимни бир кюнню аясанг, минг кюннге джарар.
- Арбаз къынгырды да, ийнек сауалмайма.
- Байдан умут эте, джарлыдан ёгюз багъасы къорады.
- Аууздан келген, къолдан келсе, ким да патчах болур эди.
- Джолунга кёре – джюрюшюнг, джагъанга кёре – юлюшюнг.
- Таукелге нюр джауар.
- Эрни эр этерик да, къара джер этерик да, тиширыуду.
- Эркишини аманы тиширыуну джылатыр.
- Тюкюрюк баш джармаз, налат кёз чыгъармаз!
- Байлыкъ тауусулур, билим тауусулмаз.
- Мал кёб болса, джууукъ кёб болур.
- Айыбны суу бла джууалмазса.
- Ачлыкъда тары гырджын халыуадан татлы.
- Ач къарынны, токъ билмез
- Экиндини кеч къылсанг, чабыб джетер ашхам.
- Тенги кёбню джау алмаз, акъылы кёбню дау алмаз.
- Къолунгдан къуймакъ ашатсанг да, атаны борчундан къутулмазса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ач къалгъандан, кеч къалгъан къолай.
- Ишленмеклик адамлыкъды.
- Гырджын – тепсини тамадасы.
- Къар – келтирди, суу – элтди.
- Ёгюзню мюйюзюнден тутадыла, адамны сёзюнден тутадыла.
- Хазыр ашха – терен къашыкъ.
- Баш болса, бёрк табылыр.
Профиль
|
|
|
|||