- Огъурлуну сёзю – суу, огъурсузну сёзю – уу.
- Телиге акъыл салгъандан эсе, ёлгеннге джан салырса.
- Айтханы чапыракъдан ётмеген.
- Суу кетер, таш къалыр.
- Тамырсыз терекге таянма – джыгъылырса.
- Илму – джашауну джолу.
- Эл бла кёргенинг эрелей.
- Терслик кетер, тюзлюк джетер.
- Билим ат болуб да чабар, къуш болуб да учар.
- Кёб ант этген, кёб ётюрюк айтыр.
- Иши джокъну, сыйы джокъ.
- Аманны къуугъан, аманлыкъ табар.
- Акъыл аздырмаз, билим тоздурмаз.
- Ауузу аманнга «иги», деме.
- Нарт сёз къарт болмаз.
- Адам туугъан джеринде, ит тойгъан джеринде.
- Къонагъынгы артмагъын алма да, алгъышын ал.
- Кёзюнде тереги болгъан, чёбю болгъаннга кюле эди.
- Ашхы – джыяр, аман – джояр.
- Хазыр ашха – терен къашыкъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джашны джигитлиги сорулур, къызны джигерлиги сорулур.
- Тулпарлыкъ, билекден тюл – джюрекден.
- Сескекли кесин билдирир.
- Бал – татлы, балдан да бала – татлы.
- Хар адамгъа кеси миннген тау кибик.
- Ёмюрлюк шохлукъну джел элтмез.
- Тенгинг джокъ эсе – изле, бар эсе – сакъла!
- Тёзген – тёш ашар!
- Чакъырылмагъан къонакъ къачан кетерин сормаз.
- Тюзлюк шохлукъну бегитир.
- Тюзню ётмеги тюзде къалса да, тас болмаз.
- Атлыны ашхысы, ат тизгининден билинир
- Биреуню къыйынлыгъы бла кесинге джол ишлеме.
- Ариу сёзде ауруу джокъ.
- Адам къаллай бир ишленмесе, аллай бир кесин уллу кёреди.
- Ач, тоймам, дейди, тойгъан, ач болмам, дейди.
- Къарт бла баш аша, джаш бла аякъ аша.
- Шекер бла туз – бир болмаз, ушамагъан – юй болмаз.
- Аман хансны – урлугъу кёб.
- Ёлмесенг да, къарт дамы болмазса?
- «Ёгюз, джаргъа джууукъ барма, меннге джюк боллукъса», - дегенди эшек.
- Бети бедерден, намыс сакълама.
- Урунуу – насыбны анасы.
- Аз сёлешген, къайгъысыз турур.
- Хансыз джомакъ болмаз.
- Терек ауса, отунчу – кёб.
- Джаралыны джастыгъында сау ёлюр.
- Кёз – сюйген джерде, къол – ауругъан джерде.
- Алтыда кюлмеген, алтмышда кюлмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72