Эльбрусоид :: Форум

Джарашыу сюйген – джалынчакъ.
Ауурну тюбю бла, дженгилни башы бла джюрюген.
«Ма», - дегенни билмесенг, «бер», - дегенни билмезсе.
Зарда марда джокъ.
Ишлегенде эринме, ишде чолакъ кёрюнме.
Тилчиден кери бол.
Эркишиге тары кебек танг кёрюнюр.
Биреуню къыйынлыгъы бла кесинге джол ишлеме.
Ойнай билмеген, уруб къачар.
Эр абынмай, эл танымаз.
Насыблы элин сюер, насыбсыз кесин сюер.
Къызбайны юйюне дери сюрсенг, батыр болур.
Иги бла джюрюсенг, джетерсе муратынга, аман бла джюрюсенг, къалырса уятха.
Игиге айтсанг – билир, аманнга айтсанг – кюлюр.
Халкъны юйю – туугъан джери.
Таукел тауну аудурур.
Кёбню кёрген – кёб билир.
Окъугъан озар, окъумагъан тозар.
Зар адамны насыбы болмаз.
Ата Джуртуму башы болмасам да, босагъасында ташы болайым.
Гугурук къычырмаса да, тангны атары къалмаз.
Ат да турмайды бир териде.
Къызын тута билмеген, тул этер, джашын тута билмеген, къул этер.
Насыб бютеу халкъны юлюшюдю.
Окъуу – билимни ачхычы, окъуу – дунияны бачхычы.
Атлыны кёрсе, джаяуну буту талыр.
Кийимни бир кюнню аясанг, минг кюннге джарар.
Бозанг болмагъан джерге, къалагъынгы сукъма.
Итли къонакъ джарашмаз.
Чакъырылмагъан джерге барма, чакъырылгъан джерден къалма.
Адамны бетине къарама, адетине къара.
Чакъырылмагъан къонакъ къачан кетерин сормаз.
Душманны тышы – акъ, ичи – къара.
Бет бетге къараса, бет да джерге къарар.
Башда акъыл болмаса, эки аякъгъа кюч джетер.
Къулакъдан эсе, кёзге ышан.
Ач отунчуну ачыуу – бурнунда.
Тюзлюк шохлукъну бегитир.
Окъуусуз билим – джокъ, билимсиз кюнюнг – джокъ.
Алтыннга тот къонмаз.
Иесиз малны бёрю ашар.
Къар – келтирди, суу – элтди.
Ёгюзню мюйюзюнден тутадыла, адамны сёзюнден тутадыла.
Мадар болса, къадар болур.
Айранын берсенг, челегин да къызгъанма.
Билимли ёлмез, билимсиз кёрмез.
Сакъалы текени да бар, мыйыгъы киштикни да бар.
Эки итни арасына сюек атма, эки адамны арасында сёз чыгъарма.
Ашарыкъда сайлагъаннга – чий гырджын.
Джылкъыдан – ат чыгъар, тукъумдан – джаш чыгъар.

Логин:
Пароль:
	Запомнить меня на этом компьютере

Забыли свой пароль?
Регистрация