- Ата Джуртча джер болмаз, туугъан элча эл болмаз.
- Аманнга игилик этсенг, юйюнге сау бармазса.
- Эски джаугъа ышанма.
- Ачлыкъ отха секиртир.
- Ариу сёз аурууунгу алыр.
- Ойнай билмеген, оюн бузар.
- Суу да къайтады чыкъгъан джерине.
- Урунуу – насыбны анасы.
- Кёзню ачылгъаны – иги, ауузну джабылгъаны – иги.
- Эки ойлашыб, бир сёлешген.
- Арба аугъандан сора, джол кёргюзтюучю кёб болур.
- Джырчы джырчыгъа – къарнаш.
- Джангыз торгъай джырламаз.
- Тилчи бир сагъатха айлыкъ хата этер.
- Ишлемеген – тишлемез.
- Къарт болгъан джерде, берекет болур, сабий болгъан джерде, оюн болур.
- Суу кетер, таш къалыр.
- Дуния мал дунияда къалады.
- Ариу сёз – къылычдан джити.
- Телиге акъыл салгъандан эсе, ёлгеннге джан салырса.
- Иги – алгъыш этер, аман – къаргъыш этер.
- Джарлы джети элни сёзюн этер.
- Джигер – джаннга къыйынлыкъ.
- Къулакъдан эсе, кёзге ышан.
- Кийимни бичсенг, кенг бич, тар этген къыйын тюлдю.
- Къалгъан ишге къар джауар.
- Кирсизни – саны таза, халалны – къаны таза.
- Чомартха хар кюн да байрамды.
- Билмегенинги, билгеннге сор.
- Сабыр джетер муратха, сабырсыз къалыр уятха.
- Чомарт къолда мал къалмаз.
- Акъыллы эркиши атын махтар, акъылсыз эркиши къатынын махтар.
- Ишленмеклик адамлыкъды.
- Ашхы тенг джолгъа салыр, аман тенг джолдан тайдырыр.
- Адам къаллай бир ишленмесе, аллай бир кесин уллу кёреди.
- Тойгъанлыкъ къойгъа джарашады.
- Айырылгъанланы айю ашар, бёлюннгенлени бёрю ашар.
- Нёгер болсанг, тенг бол, тенг болмасанг, кенг бол.
- Уллу айтханны этмеген – уллаймаз.
- Джарлы эскисин джамаса, къууаныр.
- Джашда акъыл джокъ, къартда къарыу джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Малны кют, джерни тюрт.
- Къатын байлыкъны сюер, эр саулукъну сюер.
- Аууздан келген, къолдан келсе, ким да патчах болур эди.
- От кюйдюрген, сау болса да, тот кюйдюрген, сау болмаз.
- Аманнга да, игиге да оноусуз къатышма.
- Ачлыкъда тары гырджын халыуадан татлы.
- Джаралыны джастыгъында сау ёлюр.
- Къонакъны къачан кетерин сорма, къачан келлигин сор.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72