Эльбрусоид :: Форум

Ётген ёмюр – акъгъан суу.
Ёлмесенг да, къарт дамы болмазса?
Байма, деб да, къууанма, джарлыма, деб да, джылама.
Малны кют, джерни тюрт.
Тил джюрекге джол ишлейди.
Аман адам элни бир-бирине джау этер.
Битмегеннге сакъал – танг.
Адамны сабийин сюйген джюреги, бычакъча, джитиди.
Ата Джуртун танымагъан, атасын да танымаз.
Чакъырылмагъан джерге барма, чакъырылгъан джерден къалма.
Ачны эсинде – аш.
Ариу сёз – джаннга азыкъ, аман сёз – башха къазыкъ.
Билим ат болуб да чабар, къуш болуб да учар.
Эркиши – от, тиширыу – суу.
Элиб деген, элге болушур.
Таш бла ургъанны, аш бла ур.
Адам сёзюнден белгили.
Кийимни бичсенг, кенг бич, тар этген къыйын тюлдю.
Кёбге таш атма.
Джолда аягъынга сакъ бол, ушакъда тилинге сакъ бол.
Мал ёлсе, сюек къалыр, адам ёлсе, иши къалыр.
Бойнуму джети джерден кессенг да, мен ол ишни этеллик тюлме.
Къатыны харакетли болса, эри къымсыз болур.
Ёгюзню мюйюзлери ауурлукъ этмейдиле.
Сагъыш – къартлыкъгъа сюйюмчю.
Уллу суу бла уллу ауруудан башынгы сакъла.
Тин – байлыгъынг, терен саулугъунг.
Чомартны къолу берекет.
Ата – билек, ана – джюрек!
Аман къатын сабий табса, бий болур…
Ана къойну – балагъа джандет.
Тёгюлген тюгел джыйылмайды.
Иги сёз – джаннга азыкъ, аман сёз башха – къазыкъ.
Чоюнну башы ачыкъ болса, итге уят керекди.
Окъумагъан сокъурду, сокъур ташха абыныр!
Суу кетер, таш къалыр.
Кёл – къызбай, къол – батыр.
Танг атмайма десе да, кюн къоярыкъ тюйюлдю.
Хар сёзню орну барды.
Джогъун бар этген, барын бал этген.
Гугурук къычырмаса да, тангны атары къалмаз.
Суу ичген шауданынга тюкюрме.
Нёгерсизни джолу узун.
Ётюрюкден тюбю джокъ, кёлтюрюрге джиби джокъ.
Байлыкъ тауусулур, билим тауусулмаз.
Ашда уялгъан – мухар, ишде уялгъан – хомух.
Атлыны кёрсе, джаяуну буту талыр.
Кимни – тили, тиши онглу, кимни – къолу, иши онглу.
Къазанчы аман болса, къазаны къайнамаз.
Аджал соруб келмез, келсе, къайтыб кетмез.

Логин:
Пароль:
	Запомнить меня на этом компьютере

Забыли свой пароль?
Регистрация