- Джылар джаш, атасыны сакъалы бла ойнар.
- Окъугъан – асыу, окъумагъан – джарсыу.
- Кёбню кёрген – кёб билир.
- Туз, гырджын аша, тюзлюк бла джаша.
- Ашыкъгъанны этеги бутуна чырмалыр.
- Ашына кёре табагъы, балына кёре къалагъы.
- Башда акъыл болмаса, эки аякъгъа кюч джетер.
- Тюзлюк шохлукъну бегитир.
- Гугурук къычырмаса да, тангны атары къалмаз.
- Ауурну тюбю бла, дженгилни башы бла джюрюген.
- Адам боллукъ, атламындан белгили болур.
- Тура эдим джата, къайдан чыкъды хата?
- Иесиз малны бёрю ашар.
- Кёб ант этген, кёб ётюрюк айтыр.
- Эл элде бирер малынг болгъандан эсе, бирер тенгинг болсун.
- Аллахдан тилесенг, кёб тиле.
- Ач къарынны, токъ билмез
- Биреуню къыйынлыгъы бла кесинге джол ишлеме.
- Келгинчи, къонакъ уялыр, келгенден сора, къонакъбай уялыр.
- Билим къая тешер.
- Уллу айтханны этмеген – уллаймаз.
- Тил – миллетни джаны.
- Намыс болмагъан джерде, насыб болмаз.
- Кюлме джашха – келир башха.
- Аууздан келген, къолдан келсе, ким да патчах болур эди.
- Кёзню ачылгъаны – иги, ауузну джабылгъаны – иги.
- Тилчи тилден къаныкъмаз.
- Эринчекни аурууу – кёб.
- Атынг аманнга чыкъгъандан эсе, джанынг тамагъынгдан чыкъсын.
- Акъыллы эркиши атын махтар, акъылсыз эркиши къатынын махтар.
- Хар зат кесини орнуна иги.
- Аджал соруб келмез, келсе, къайтыб кетмез.
- Аманны къуугъан, аманлыкъ табар.
- Билими азны – ауузунда кирит.
- Арбаз къынгырды да, ийнек сауалмайма.
- Насыб бютеу халкъны юлюшюдю.
- Малны кют, джерни тюрт.
- Агъач халкъгъа алтынды, иссиликге салкъынды.
- Кёб джат да, бек чаб.
- Ач, тоймам, дейди, тойгъан, ач болмам, дейди.
- Эр абынмай, эл танымаз.
- Ариу сёз аурууунгу алыр.
- Эл тойса, тоймагъан, эл къойса, къоймагъан.
- Сютню башын джалагъан къутулур, тюбюн ичген тутулур.
- Ёлмесенг да, къарт дамы болмазса?
- Нарт сёз – тилни бети.
- Билгенни къолу къарны джандырыр.
- Баланы адам этген анады.
- Адеб этмеген, адеб кёрмез.
- Акъдан къара болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72