- Айтылгъан сёз ызына къайтмаз.
- Тёгюлген тюгел джыйылмайды.
- Сёз сёзню айтдырыр.
- Къыз чыгъаргъан – къызыл къымжа.
- Башсыз урчукъ тюзюне айланмаз.
- Гырджын – тепсини тамадасы.
- Ашхы атаны – джашы ашхы, ашхы ананы – къызы ашхы.
- Ариу сёзде ауруу джокъ.
- Джыланны къуйругъундан басарынг келсе, аны башы болгъанын унутма.
- Бир абыннган – минг сюрюнюр.
- Адам сёзге тынгыла, акъыл сёзню ангыла.
- Къонагъы джокъну – шоху джокъ.
- Ишлегенде эринме, ишде чолакъ кёрюнме.
- Зар адам ашынгы ашар, кесинги сатар.
- Эшекге миннген – биринчи айыб, андан джыгъылгъан – экинчи айыб.
- Намысы джокъну – дуниясы джокъ.
- Адамны адамлыгъы къыйынлыкъда айгъакъланады.
- Акъыл аздырмаз, билим тоздурмаз.
- Соргъан айыб тюлдю, билмеген айыбды.
- Ариу джол аджал келтирмез.
- Ашхылыкъ джерде джатмайды, аманлыкъ суугъа батмайды.
- Акъыллы башны – тили къысха.
- Къар – келтирди, суу – элтди.
- Суу кетер, таш къалыр.
- Кёб ант этген, кёб ётюрюк айтыр.
- Джан саулукъ бермей, сан саулукъ бермезсе.
- Ач, тоймам, дейди, тойгъан, ач болмам, дейди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джангызны оту джарыкъ джанмаз!
- Эркишини аманы тиширыуну джылатыр.
- Ким бла джюрюсенг, аны кёзю бла кёрюнюрсе.
- Ата – баланы уясы.
- Эшекни не къадар тюйсенг да, ат болмаз.
- Аман хансны – урлугъу кёб.
- Ишни ахырын ойламай, аллын башлама.
- Итли къонакъ джарашмаз.
- Ат басханны джер билед.
- Тамбла алтындан бюгюн багъыр ашхы.
- Игилик игилик бла сингдирилиучю затды.
- Къазанчы аман болса, къазаны къайнамаз.
- Телиге от эт десенг, юйюнге от салыр.
- Кюл тюбюндеги от кёрюнмейди.
- Аш кетер да бет къалыр.
- Рысхысына кёре, джаш ёсер, къышлыгъына кёре, мал ёсер.
- Окъугъан – асыу, окъумагъан – джарсыу.
- Хоншуну тауугъу къаз кёрюнюр, келини къыз кёрюнюр.
- Акъылсызны джууукъгъа алма, акъыллыны кенгнге салма.
- Хар адамгъа кеси миннген тау кибик.
- Джети тилни билген джети кишиди.
- Акъыллы – эл иеси, тели – эл баласы.
Профиль
|
|
|||