- Джарашыу сюйген – джалынчакъ.
- Таукел тауну аудурур.
- Тик ёргени, тик энгишгеси да болады.
- Аш хазыр болса, иш харам болур.
- Сакъламагъан затынга джолукъсанг, не бек къууанаса, не бек ачыйса.
- Къызны минг тилер, бир алыр.
- Эртде тургъан бла эртде юйленнген сокъуранмаз.
- Терек ауса, отунчу – кёб.
- Адамны адамлыгъы къыйынлыкъда айгъакъланады.
- Адеб джокъда, намыс джокъ.
- Кёб джашагъан – кёб билир.
- Акъылсызны джууукъгъа алма, акъыллыны кенгнге салма.
- Тас болгъан бычакъны сабы – алтын.
- Биреу къой излей, биреу той излей.
- Къуру гыбыт бек дыгъырдар.
- Айтханы чапыракъдан ётмеген.
- Сууда джау джокъ, кёб сёзде магъана джокъ.
- Орундукъ тюбюнде атылсам да, орта джиликме, де да айлан.
- Къыз тиширыу кеси юйюнде да къонакъды.
- Окъугъанны бети джарыкъ.
- Тенгни тенглиги джашай барсанг билинир.
- Экиндини кеч къылсанг, чабыб джетер ашхам.
- Элни кючю – эмеген.
- Акъыллы айтыр эди, акъылсыз къоймайды.
- Билим насыб берир, билим джолну керир.
- Керилген да, ургъан кибикди.
- Иги болса, тамадама – махтау, аман болса, меннге – айыб.
- Адамны сыфатына къарама, сёзюне къара.
- Билим къая тешер.
- Сакъалы текени да бар, мыйыгъы киштикни да бар.
- Джолда аягъынга сакъ бол, ушакъда тилинге сакъ бол.
- Тюзлюк тас болмайды.
- Билимден уллу байлыкъ джокъду.
- Аллахдан тилесенг, кёб тиле.
- Тил бла келеди джыр да.
- Баланы адам этген анады.
- Азыгъы аз, алгъа къабар, аты аман, алгъа чабар.
- Аманнга да, игиге да оноусуз къатышма.
- Чомартха Тейри да борчлуду.
- Кийим тукъум сордурур.
- «Ёгюз, джаргъа джууукъ барма, меннге джюк боллукъса», - дегенди эшек.
- Тёзген – тёш ашар!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джашда акъыл джокъ, къартда къарыу джокъ.
- Сакъ юйюне сау барыр.
- Кюн – узун, ёмюр – къысха.
- Ашлыкъ – бюртюкден, джюн – тюкден.
- Ашхы адам – халкъ байлыгъы, ашхы джер – джашау байлыгъы.
- Сютню башын джалагъан къутулур, тюбюн ичген тутулур.
- Ойнай-ойнай кёз чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72