- Тилчи бир сагъатха айлыкъ хата этер.
- Башынга джетмегенни сорма.
- Нёгер болсанг, тенг бол, тенг болмасанг, кенг бол.
- Ач келгенни – тойдур, кеч келгенни – къондур.
- Чабар ат – джетген къыз.
- Уллу айтханны этмеген – уллаймаз.
- Сёз сёзню айтдырыр.
- Тура эдим джата, къайдан чыкъды хата?
- Ашда уялгъан – мухар, ишде уялгъан – хомух.
- Башланнган иш битер, къымылдагъан тиш тюшер.
- Ашына кёре табагъы, балына кёре къалагъы.
- Юйюнг бла джау болгъандан эсе, элинг бла джау бол.
- Адамны артындан къара сабан сюрме.
- Эртде тургъан джылкъычыны эркек аты тай табар.
- Урама да – ёледи, сатама да – келеди.
- Таукел тауну аудурур.
- Къазанны башы ачыкъ болса, итге уят керекди.
- Аман эсирсе, юйюн ояр.
- Иги сеники эсе да, сюйген кесимикин этеме.
- Юйюнгден чыкъдынг – кюнюнгден чыкъдынг.
- Таш бла ургъанны, аш бла ур.
- Ауругъан – джашаудан умутчу.
- Джаз бир кюнню джатсанг, къыш талай кюнню абынырса.
- Къар – келтирди, суу – элтди.
- Чомартха Тейри да борчлуду.
- Аман адамны тепсинге олтуртсанг, къызынгы тилер.
- От этилмеген джерден тютюн чыкъмайды.
- Эл элде бирер малынг болгъандан эсе, бирер тенгинг болсун.
- Ёгюзню мюйюзлери ауурлукъ этмейдиле.
- Сабий болмагъан джерде, мёлек болмаз.
- Акъыл неден да кючлюдю.
- Биреу ашаб къутулур, биреу джалаб тутулур.
- Абынмазлыкъ аякъ джокъ, джангылмазлыкъ джаякъ джокъ.
- Акъыл бла адеб эгизледиле.
- Джюрекден джюрекге джол барды.
- Кийиминг бла танылма, адамлыкъ бла таныл.
- Минг тенг да азды, бир джау да кёбдю.
- Джылыгъа джылан илешир.
- Айырылгъанланы айю ашар, бёлюннгенлени бёрю ашар.
- Билими азны – ауузунда кирит.
- Кёлсюзден сёзсюз тууар.
- Джыгъылгъанны сырты джерден тоймаз.
- Сютню башын джалагъан къутулур, тюбюн ичген тутулур.
- Ашаса, ашамаса да, бёрюню ауузу – къан.
- Агъач халкъгъа алтынды, иссиликге салкъынды.
- Атлыны кёрсе, джаяуну буту талыр.
- Къолунгдан къуймакъ ашатсанг да, атаны борчундан къутулмазса.
- Ханнга да келеди хариблик.
- Игини сыйлагъан адетди.
- Иги бла джюрюсенг, джетерсе муратынга, аман бла джюрюсенг, къалырса уятха.
Профиль
|
|
|||