Эльбрусоид :: Форум :: Архив форумов

Тин – байлыгъынг, терен саулугъунг.
Болджал ишни бёрю ашар.
Ишлемеген – тишлемез.
Къолу уллу – асыу, аягъы уллу – джарсыу.
Къатын байлыкъны сюер, эр саулукъну сюер.
Джаханимни кёрмей, джандетге кёл салмазса.
Къоркъакъны кёзю экили кёрюр.
Агъач халкъгъа алтынды, иссиликге салкъынды.
Эртде тургъан бла эртде юйленнген сокъуранмаз.
Тили узунну, намысы – къысха.
Тилде сюек болмаса да, сюек сындырыр.
Къатын къылыкъсыз, эр тынчлыкъсыз.
Зар адам ашынгы ашар, кесинги сатар.
Ётюрюк хапар аякъ тюбю бла джюрюйдю.
Олтуруб кёрюнмей эди да, ёрге туруб кёрюне эди.
Тилсиз миллет джокъ болур.
Эркиши – от, тиширыу – суу.
Акъыл къартда, джашда тюйюлдю – башдады.
Иги болса, тамадама – махтау, аман болса, меннге – айыб.
Айтылгъан буйрукъ, сёгюлмез
Джангыз терек къынгыр ёсер.
Гугук кесини атын айтыб къычыргъанча, мен, мен деб нек тураса?
Къарнынг къанлынга кийирир.
Бети бедерден, намыс сакълама.
Айранны сюйген, ийнек тутар.
Дуния аламаты сен эсенг да, игиме деб айтма.
Ашхы сёз таш тешер.
Кийим тукъум сордурур.
Джюрек кёзден алгъа кёрюр.
Башы джабылгъан челекге, кир тюшмез.
Ашхылыкъ джерде джатмайды, аманлыкъ суугъа батмайды.
Гыдай эчки суугъа къараб, мюйюзле кёрмесе, джашма алкъын, дегенди.
Борчунг бар эсе, хурджунунга ойлаб узал.
Кеси юйюмде мен да ханма.
Иши джокъну, сыйы джокъ.
Тилчи бир сагъатха айлыкъ хата этер.
Къайгъы тюбю – тенгиз.
Аз сёлешген, къайгъысыз турур.
Эртде тургъан джылкъычыны эркек аты тай табар.
Джангызны оту джарыкъ джанмаз!
Аман хансны – урлугъу кёб.
Илму – джашауну джолу.
Ёлюр джаннга, ёкюл джокъ.
Чёбню кёлтюрсенг, тюбюнден сёз чыгъар.
Къатыны харакетли болса, эри къымсыз болур.
Тойгъа алгъа да барма, тойда артха да къалма.
Кёл – къызбай, къол – батыр.
Юй ишлеген балта эшикде къалыр.
Ёпкелегенни ашы татлы болады.
Эшекни не къадар тюйсенг да, ат болмаз.

Логин:
Пароль:
	Запомнить меня на этом компьютере

Забыли свой пароль?
Регистрация