- Джаханимни кёрмей, джандетге кёл салмазса.
- Байдан умут эте, джарлыдан ёгюз багъасы къорады.
- Ач отунчуну ачыуу – бурнунда.
- Ариу – кёзге, акъыл – джюрекге.
- Урунуу – насыбны анасы.
- Садакъачыны джаны – къапчыгъында.
- Хатерли къул болур.
- Уллу къашыкъ эрин джыртар.
- Къарт бла баш аша, джаш бла аякъ аша.
- Ашха уста, юйюнде болсун
- Келгинчи, къонакъ уялыр, келгенден сора, къонакъбай уялыр.
- Ишленмеклик адамлыкъды.
- Аманны тукъумуна къарама, игини тукъумун сорма.
- Джукъу тёшек сайламайды.
- Хансыз джомакъ болмаз.
- Адебсиз адам – джюгенсиз ат.
- Ата Джуртун танымагъан, атасын да танымаз.
- Зарда марда джокъ.
- Тенгинг джокъ эсе – изле, бар эсе – сакъла!
- Бир онгсуз адам адет чыгъарды, деб эштирик тюлсе.
- Аман адамны тепсинге олтуртсанг, къызынгы тилер.
- Огъурлуну сёзю – суу, огъурсузну сёзю – уу.
- Ётюрюк хапар аякъ тюбю бла джюрюйдю.
- Таякъ этден ётер, тил сюекден ётер.
- Ёзденликни кёбю ётюрюк.
- Эл ауузу – элек, анга ийнаннган – халек.
- Ач къарным, тынч къулагъым.
- Азыкълы ат арымаз, къатыны аман джарымаз.
- Ёлген аслан – сау чычхан.
- Кюн кёрмеген, кюн кёрсе, кюндюз чыракъ джандырыр.
- Халкъгъа джарагъан, джарлы къалмаз.
- Ауурну тюбю бла, дженгилни башы бла джюрюген.
- Къолу уллу – асыу, аягъы уллу – джарсыу.
- Тил – миллетни джаны.
- Эшекни не къадар тюйсенг да, ат болмаз.
- Суугъа – таянма, джаугъа – ийнанма.
- Мал кёб болса, джууукъ кёб болур.
- Тойгъан джерге джети къайт.
- Агъач – джерни чырайы, кийим – эрни чырайы.
- Аз сёлеш, кёб ишле.
- Къонагъынгы артмагъын алма да, алгъышын ал.
- Ашын ашагъанынгы, башын да сыйла.
- Тюз сёз баргъан сууну тыяр.
- Миллетни бойну – базыкъ, аны бла кюрешген – джазыкъ.
- Ана – юйню кюн джарыгъы.
- Джаш къарыу бла кючлю, къарт акъыл бла кючлю.
- Иги адамны бир сёзю эки болмаз.
- Биреуге аманлыкъ этиб, кесинге игилик табмазса.
- Къызгъанчдан ычхыныр, мухардан ычхынмаз.
- Нарт сёз – тилни бети.
Профиль
|
|
|||