- Бёрю да ач къалмасын, эчки да ашалмасын.
- Азыкъ аз болса, эртде орун сал.
- Атлыны ашхысы, ат тизгининден билинир
- Ётюрюк хапар аякъ тюбю бла джюрюйдю.
- Аман эсирсе, юйюн ояр.
- Къартны бурнун сюрт да, оноугъа тут.
- Сагъыш – къартлыкъгъа сюйюмчю.
- Таукел тауну аудурур.
- Этни да ашады, бетни да ашады.
- Айран ичген – къутулду, джугъусун джалагъан – тутулду.
- Тик ёргени, тик энгишгеси да болады.
- Нарт сёз къарт болмаз.
- Хар зат кесини орнуна иги.
- Тойгъандан сора, ашны сёкме.
- Джетген къыз джерли эшекни танымаз.
- Ата – билек, ана – джюрек!
- Джангыз торгъай джырламаз.
- Суугъа – таянма, джаугъа – ийнанма.
- Кёзюнде тереги болгъан, чёбю болгъаннга кюле эди.
- Мухардан ач ычхынмаз.
- Аман адамны тепсинге олтуртсанг, къызынгы тилер.
- Халкъны юйю – туугъан джери.
- Башынга джетмегенни сорма.
- Ашха уста, юйюнде болсун
- Чомарт къолда мал къалмаз.
- Тура эдим джата, къайдан чыкъды хата?
- Таугъа чыгъаллыкъ эсенг, тюзде къалма.
- Бозаны арты дауур болур.
- Бал чибинни ургъаны – ачы, балы – татлы.
- Сыфатында болмагъаны, суратында болмаз.
- Тешик этген тынчды, аны джамагъан къыйынды.
- Адам сёзюнден белгили.
- Суу да къайтады чыкъгъан джерине.
- Кёрмегеннге кебек – танг, битмегеннге сакъал – танг.
- Тили узунну, намысы – къысха.
- Билгенни къолу къарны джандырыр.
- Джерни букъусу кёкге къонмаз.
- Тойгъа алгъа да барма, тойда артха да къалма.
- Арбаз сайлама да, хоншу сайла.
- Эте билген, этген этеди, эте билмеген, юретген этеди!
- Кесине оноу эте билмеген, халкъына да эте билмез.
- Окъ къызбайны джокълайды.
- Суу кетер, таш къалыр.
- Хоншуну тауугъу къаз кёрюнюр, келини къыз кёрюнюр.
- Кёбден умут этиб, аздан къуру къалма.
- Билмезни кёзю кёрмез, этмезни къулагъы эшитмез.
- Кесинг сынамагъан затны, адамгъа буюрма.
- Башда акъыл болмаса, эки аякъгъа кюч джетер.
- Биреуге аманлыкъны тилеме да, кесинге ашхылыкъны тиле.
- Адеби болмагъан къыз – тузсуз хант.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72