- Борчунг бар эсе, хурджунунга ойлаб узал.
- Кёб къычыргъандан – къоркъма, тынч олтургъандан – къоркъ.
- Байлыкъдан саулукъ ашхыды.
- Сагъыш – къартлыкъгъа сюйюмчю.
- Атадан ёксюз – бир ёксюз, анадан ёксюз – эки ёксюз.
- Акъыллы – эл иеси, тели – эл баласы.
- Тёрдеги кюлсе, эшикдеги ышарыр.
- Кёкдеги болмаса, джердегин кёрмейди.
- Джангызны оту джарыкъ джанмаз!
- Сакъламагъан затынга джолукъсанг, не бек къууанаса, не бек ачыйса.
- Aдам боллукъ, сыфатындан белгили.
- Ёлмесенг да, къарт дамы болмазса?
- Гугурук къычырмаса да, тангны атары къалмаз.
- Сабыр джетер муратха, сабырсыз къалыр уятха.
- Уллу къашыкъ эрин джыртар.
- Ёлген аслан – сау чычхан.
- Кюн кёрмеген, кюн кёрсе, кюндюз чыракъ джандырыр.
- Бермеген къол, алмайды.
- Къонагъы джокъну – шоху джокъ.
- Нафысынгы айтханын этме, намысынгы айтханын эт.
- Айтылгъан сёз ызына къайтмаз.
- Телини эшигин, махтау джабар.
- Тамчы таш тешер.
- Башы джабылгъан челекге, кир тюшмез.
- Кёбге таш атма.
- Къууут – джелге, берне – бошха.
- Чакъырылмай келген къонакъ сыйланмай кетер.
- Этим кетсе да, сюегим къалыр.
- Ач отунчуну ачыуу – бурнунда.
- Джюрекге ариу – кёзге да ариу.
- Айранын берсенг, челегин да къызгъанма.
- Джыйырма къойну юч джыйырма эбзе кюте эди.
- Чалманны аллы къалай башланса, арты да алай барады.
- Къыз тиширыу кеси юйюнде да къонакъды.
- Тил – миллетни джаны.
- Бет бетге къараса, бет да джерге къарар.
- Ариу – кёзге, акъыл – джюрекге.
- Къозулугъунда тоймагъан, къойлугъунда тоймаз.
- Ишлемеген – тишлемез.
- Мени джылытмагъан кюн, меннге тиймесин!
- Хазыр ашха – терен къашыкъ.
- Адам къыйынлыгъын кёлтюрюр, зауукълугъун кёлтюрмез.
- Тилчи тилден къаныкъмаз.
- Рысхы джалгъанды: келген да этер, кетген да этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Аджал соруб келмез, келсе, къайтыб кетмез.
- Ач – эснер, ат – кишнер.
- Зар адамны насыбы болмаз.
- Ашхы – джыяр, аман – джояр.
- Кийиминг бла танылма, адамлыкъ бла таныл.
Профиль
|
|
|||