- Эшекге миннген – биринчи айыб, андан джыгъылгъан – экинчи айыб.
- Aдам боллукъ, сыфатындан белгили.
- Джетген къыз джерли эшекни танымаз.
- Адебсиз адам – джюгенсиз ат.
- Таугъа чыгъаллыкъ эсенг, тюзде къалма.
- Башы ишлегенни, ауузу да ишлер.
- Джиби бир къат джетмей эди да, эки къат тарта эди.
- Эм уллу байлыкъ – джан саулукъ.
- Байлыкъ тауусулур, билим тауусулмаз.
- Кеси юйюмде мен да ханма.
- Мал ёлсе, сюек къалыр, адам ёлсе, иши къалыр.
- Чакъырылмагъан джерге барма, чакъырылгъан джерден къалма.
- Ач къарынны, токъ билмез
- Ишлегенде эринме, ишде чолакъ кёрюнме.
- Тик ёргени, тик энгишгеси да болады.
- Ашда уялгъан – мухар, ишде уялгъан – хомух.
- Экиндини кеч къылсанг, чабыб джетер ашхам.
- Суугъа – таянма, джаугъа – ийнанма.
- Адам боллукъ, атламындан белгили болур.
- Юйлю уругъа ит чабмаз.
- Ач, тоймам, дейди, тойгъан, ач болмам, дейди.
- Уллу сёлешме да, уллу къаб.
- Къарнынг ауруса, ауузунгу тый
- Мен да «сен», дейме, сен да «кесим», дейсе.
- Кёб ант этген, кёб ётюрюк айтыр.
- Урунуу – насыбны анасы.
- Ханы къызы буюгъа-буюгъа киштик болду.
- Этек чакъмакълары баш джаргъан, сёлешген сёзлери таш джаргъан.
- Зарда марда джокъ.
- Рысхысына кёре, джаш ёсер, къышлыгъына кёре, мал ёсер.
- Къарнынг бла ёч алма.
- Татлы тилде – сёз ариу, чемер къолда – иш ариу.
- Урама да – ёледи, сатама да – келеди.
- Тамчы таш тешер.
- Баш – акъыл ючюн, акъылман – халкъ ючюн.
- Джаханимни кёрмей, джандетге кёл салмазса.
- Къонакъ хазыр болгъанлыкъгъа, къонакъбай хазыр тюлдю.
- Халкъгъа джарагъан, джарлы къалмаз.
- Акъыллы – эл иеси, тели – эл баласы.
- Адеб джокъда, намыс джокъ.
- Джашлыкъ этмеген, башлыкъ этмез.
- Тынгылагъан тынгы бузар.
- Арбаз сайлама да, хоншу сайла.
- Чакъырылмагъан къонакъ – орунсуз.
- Дуния мал дунияда къалады.
- Тенги кёбню джау алмаз, акъылы кёбню дау алмаз.
- Аман киши кеси юйюнде – къонакъ.
- Билимли ёлмез, билимсиз кёрмез.
- Уллу къазанда бишген эт, чий къалмаз.
- Телини эшигин, махтау джабар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72