- Билим къая тешер.
- Гыдай эчки суугъа къараб, мюйюзле кёрмесе, джашма алкъын, дегенди.
- Уясында не кёрсе, учханында аны этер.
- Айтхан – тынч, этген – къыйын.
- Ашыкъгъанны этеги бутуна чырмалыр.
- Адамны джюреги нени кёрюрге сюйсе, кёзю да аны кёрюрге ёч болады.
- Тешигини къатында, чычхан да батыр болур.
- Эл ауузу – элия.
- Аш кетер да бет къалыр.
- Кеси юйюмде мен да ханма.
- Тил – миллетни джаны.
- Олтуруб кёрюнмей эди да, ёрге туруб кёрюне эди.
- Татлы сёз – балдан татлы.
- Баргъанынга кёре болур келгенинг.
- Мал кёб болса, джууукъ кёб болур.
- Ханы къызы буюгъа-буюгъа киштик болду.
- Билимли ёлмез, билимсиз кёрмез.
- Иги болса, тамадама – махтау, аман болса, меннге – айыб.
- Чабакъгъа акъыл, табагъа тюшсе келеди.
- Аякъларынгы джууургъанынга кёре узат.
- Джырчы ёлсе, джыры къалыр.
- Кёкдеги болмаса, джердегин кёрмейди.
- Кёб ант этген, кёб ётюрюк айтыр.
- Адамны бетине къарама, адетине къара.
- Чакъырылгъанны аты, чакъырылмагъанны багъасы болур.
- Шекер бла туз – бир болмаз, ушамагъан – юй болмаз.
- Къарнынг ауруса, ауузунгу тый
- Джашынгы кесинг юретмесенг, джашау юретир.
- Телиге акъыл салгъандан эсе, ёлгеннге джан салырса.
- Кёб къычыргъандан – къоркъма, тынч олтургъандан – къоркъ.
- Билмейме деген – бир сёз
- От этилмеген джерден тютюн чыкъмайды.
- Къарны аманнга къазан такъдырма, къолу аманнга от джакъдырма.
- Билими азны – ауузунда кирит.
- Ёгюзню мюйюзлери ауурлукъ этмейдиле.
- Къарнынг бла ёч алма.
- Адамны аты башхача, акъылы да башхады.
- Тюкюрюк баш джармаз, налат кёз чыгъармаз!
- Къыйынлы джети элни къайгъысын этер.
- Миллетни бойну – базыкъ, аны бла кюрешген – джазыкъ.
- Байлыкъ адамны сокъур этер.
- Къумурсхала джыйылсала, пилни да джыгъадыла.
- Огъурлуну сёзю – суу, огъурсузну сёзю – уу.
- Билимден уллу байлыкъ джокъду.
- Чомарт къонакъ юй иесин сыйлар.
- Бал чибинни ургъаны – ачы, балы – татлы.
- Накъырданы арты керти болур.
- Ишлерге уял да, ашаргъа табма.
- Чомартны къолун джокълукъ байлар.
- Адамны артындан къара сабан сюрме.
Профиль
|
|
|
|||