- Элде адам къалмаса, ит тахтагъа минер.
- Рысхы джалгъанды: келген да этер, кетген да этер.
- Атлыны ашхысы, ат тизгининден билинир
- Акъыллы – эл иеси, тели – эл баласы.
- Ушамагъан – джукъмаз.
- Билмезни кёзю кёрмез, этмезни къулагъы эшитмез.
- Мухардан ач ычхынмаз.
- Дуния мал дунияда къалады.
- Джюз элде джюз ёгюзюм болгъандан эсе, джюз джууугъум болсун.
- Тау башында, тау болмаз, джангыз терек, бау болмаз.
- Кийиминг бла танылма, адамлыкъ бла таныл.
- Айтхан сёзюне табылгъан.
- Адамны адамлыгъы къыйынлыкъда айгъакъланады.
- Термилгенинги табмазса, кюлгенинге тюберсе.
- Таугъа чыгъаллыкъ эсенг, тюзде къалма.
- Татлы тилде – сёз ариу, чемер къолда – иш ариу.
- Алма терегинден кери кетмез.
- Башынга джетмегенни сорма.
- Хантына кёре тузу, юйюне кёре къызы.
- Баргъанынга кёре болур келгенинг.
- Аууздан келген, къолдан келсе, ким да патчах болур эди.
- Джарашыу сюйген – джалынчакъ.
- Башы ишлегенни, ауузу да ишлер.
- Бёрю да ач къалмасын, эчки да ашалмасын.
- Аман эсирсе, юйюн ояр.
- Джахил болса анасы, не билликди баласы?
- Аман адамны тепсинге олтуртсанг, къызынгы тилер.
- Бек анасы джыламаз.
- Терек ауса, отунчу – кёб.
- Джангыз терек къынгыр ёсер.
- Къарнынг тойгъунчу аша да, белинг талгъынчы ишле.
- Сакъалы текени да бар, мыйыгъы киштикни да бар.
- Ичимден чыкъды хата, къайры барайым сата?
- Джюрекден джюрекге джол барды.
- Нарт сёз – тилни бети.
- Къарнынг бла ёч алма.
- Тешигини къатында, чычхан да батыр болур.
- Кёкдеги болмаса, джердегин кёрмейди.
- Билимден уллу байлыкъ джокъду.
- Орундукъ тюбюнде атылсам да, орта джиликме, де да айлан.
- Таукел адам тау тешер.
- Кёл – къызбай, къол – батыр.
- Адам сёзюнден белгили.
- Эски джаугъа ышанма.
- Ашхы сёз таш тешер.
- Чёбню кёлтюрсенг, тюбюнден сёз чыгъар.
- Окъуу – билимни ачхычы, окъуу – дунияны бачхычы.
- Керилген да, ургъан кибикди.
- Адеби болмагъан къыз – тузсуз хант.
- Аман адам этегингден тутса, кес да къач.
Профиль
|
|
|
|||