- Ашыкъгъан cуу, тенгизге джетмез.
- Адам къыйынлыгъын кёлтюрюр, зауукълугъун кёлтюрмез.
- Битмегеннге сакъал – танг.
- Накъырданы арты керти болур.
- Башы ишлегенни, ауузу да ишлер.
- Сормай – алма, чакъырылмай – барма.
- Душманны тышы – акъ, ичи – къара.
- Ойнай билмеген, уруб къачар.
- Намысы болмагъанны, сыйы болмаз.
- Зарда марда джокъ.
- Чабар ат – джетген къыз.
- Ата Джуртуму башы болмасам да, босагъасында ташы болайым.
- Мухардан ач ычхынмаз.
- Байны оноуу, джарлыгъа джарамаз.
- Джолда аягъынга сакъ бол, ушакъда тилинге сакъ бол.
- Келинни – келгинчи, бёркню кийгинчи кёр.
- Алтыда кюлмеген, алтмышда кюлмез.
- Ариу сёз джыланны орнундан чыгъарыр.
- Къошда джокъгъа – юлюш джокъ.
- Ёксюзню тилеги къабыл болур.
- Эринчекни аурууу – кёб.
- Къарнынг бла ёч алма.
- Тёрени джагъы джокъ.
- Аш хазыр болса, иш харам болур.
- Суу ичген шауданынга тюкюрме.
- Эл бла кёргенинг эрелей.
- Ауурну тюбю бла, дженгилни башы бла джюрюген.
- Адам сёзюнден белгили.
- Азыкъ аз болса, эртде орун сал.
- Сютден ауузу кюйген, суугъа юфгюре эди.
- Ашхы атаны – джашы ашхы, ашхы ананы – къызы ашхы.
- Джюрекге ариу – кёзге да ариу.
- Къонагъы джокъну – шоху джокъ.
- Тил бла келеди джыр да.
- Байлыкъдан саулукъ ашхыды.
- Адамны бетине къарама, адетине къара.
- Джыйырма къойну юч джыйырма эбзе кюте эди.
- Къазанчы аман болса, къазаны къайнамаз.
- Гитче джилтин уллу элни джандырыр.
- Акъыллы башны – тили къысха.
- Ач къалгъандан, кеч къалгъан къолай.
- Арыгъан къош чамчы болур.
- Айранны сюйген, ийнек тутар.
- Адамны джюреги нени кёрюрге сюйсе, кёзю да аны кёрюрге ёч болады.
- От этилмеген джерден тютюн чыкъмайды.
- Кюн кёрмеген, кюн кёрсе, кюндюз чыракъ джандырыр.
- Келгинчи, къонакъ уялыр, келгенден сора, къонакъбай уялыр.
- Биреу ашаб къутулур, биреу джалаб тутулур.
- Эркишини аманы тиширыуну джылатыр.
- Артына баргъанны, къатына барма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72