- Хар адамгъа кеси миннген тау кибик.
- Ач, тоймам, дейди, тойгъан, ач болмам, дейди.
- Дууулдаса – бал чибин, къонса – къара чибин.
- Келинни – келгинчи, бёркню кийгинчи кёр.
- Акъыл сабырлыкъ берир.
- Сакъ юйюне сау барыр.
- Байлыкъ келсе, акъыл кетер.
- Сууда джау джокъ, кёб сёзде магъана джокъ.
- Джогъун бар этген, барын бал этген.
- Мураты болгъанны джюрек тебюую башхады.
- Тойгъан джерге джети къайт.
- Аджал соруб келмез, келсе, къайтыб кетмез.
- Тыш элде солтан болгъандан эсе, кесинги элде олтан болгъан игиди!
- Нарт сёз – тилни бети.
- Азыкъ аз болса, эртде орун сал.
- Ачлыкъда тары гырджын халыуадан татлы.
- Иги болса, тамадама – махтау, аман болса, меннге – айыб.
- Оюмсуз атлагъан, аджалсыз ёлюр.
- Зар адамны насыбы болмаз.
- Ётюрюк хапар аякъ тюбю бла джюрюйдю.
- Эл бла кёргенинг эрелей.
- Джюрекге ариу – кёзге да ариу.
- Керти сёзге тёре джокъ.
- Тай асырагъан, атха минер.
- Гыдай эчки суугъа къараб, мюйюзле кёрмесе, джашма алкъын, дегенди.
- Иши джокъну, сыйы джокъ.
- От этилмеген джерден тютюн чыкъмайды.
- Джарлы джети элни сёзюн этер.
- Адам туугъан джеринде, ит тойгъан джеринде.
- Хар зат кесини орнуна иги.
- Гырджын – тепсини тамадасы.
- Аллахдан тилесенг, кёб тиле.
- Магъанасыз сёз – тауушсуз сыбызгъы.
- Билген билмегенни юретген адетди.
- Ишлегенде эринме, ишде чолакъ кёрюнме.
- Окъумагъан сокъурду, сокъур ташха абыныр!
- Аманнга игилик этсенг, юйюнге сау бармазса.
- Сагъыш – къартлыкъгъа сюйюмчю.
- Дуния малгъа сатылма, кесингден телиге къатылма.
- Рысхы – насыбха къор.
- Ёлген ийнек сютлю болур.
- Керек ташны ауурлугъу джокъ.
- Биреуню тёрюнден, кесинги эшик артынг игиди.
- Босагъагъа джууукъ орун болса, ашыгъыб тёрге озма.
- Ана – юйню кюн джарыгъы.
- Юйлю уругъа ит чабмаз.
- Акъыл бла адеб эгизледиле.
- Чёбню кёлтюрсенг, тюбюнден сёз чыгъар.
- Уллу атлама – абынырса, уллу къабма – къарылырса.
- Ётген ёмюр – акъгъан суу.
Профиль
|
|
|||