- Тёгюлген тюгел джыйылмайды.
- Окъдан джара эртде-кеч болса да бителир, сёз джара, ёмюрге къалыр.
- Келлик заман – къартлыкъ келтирир, кетген заман – джашлыкъ ёлтюрюр.
- Къарт болгъан джерде, берекет болур, сабий болгъан джерде, оюн болур.
- От кюйдюрген, сау болса да, тот кюйдюрген, сау болмаз.
- Джумушакъ сёз къаты таякъны сындырыр.
- Атлыны ашхысы, ат тизгининден билинир
- Аз сёлеш, кёб ишле.
- Мухарны эси – ашарыкъда.
- Борчунг бар эсе, хурджунунга ойлаб узал.
- Ач къарынны, токъ билмез
- Къонакъ аман болса, къонакъбай джунчур
- Хунаны тюбюн къазсанг, юсюнге ауар.
- Азыкълы ат арымаз, къатыны аман джарымаз.
- Кеси юйюмде мен да ханма.
- Къартны сыйын кёрмеген, къартлыгъында сыйлы болмаз.
- Башы ишлегенни, ауузу да ишлер.
- Джыйырма къойну юч джыйырма эбзе кюте эди.
- Ушамагъан – джукъмаз.
- Атынг аманнга чыкъгъандан эсе, джанынг тамагъынгдан чыкъсын.
- Къозулугъунда тоймагъан, къойлугъунда тоймаз.
- Бюгюн дуния кибик, тамбла ахыратды.
- Иги – алгъыш этер, аман – къаргъыш этер.
- Ургъан суудан башынгы сакъла.
- Ишлегенде эринме, ишде чолакъ кёрюнме.
- Къонакъ хазыр болгъанлыкъгъа, къонакъбай хазыр тюлдю.
- Юй кюйдю да, кюйюз чыкъды, ортасындан тюйюш чыкъды.
- Танг атмайма десе да, кюн къоярыкъ тюйюлдю.
- Илму – джашауну джолу.
- Къыйынлы джети элни къайгъысын этер.
- Магъанасыз сёз – тауушсуз сыбызгъы.
- Эркиши – от, тиширыу – суу.
- Джукъу тёшек сайламайды.
- Окъугъан – асыу, окъумагъан – джарсыу.
- Орну джокъну – сыйы джокъ.
- Насыб бютеу халкъны юлюшюдю.
- Таугъа чыгъаллыкъ эсенг, тюзде къалма.
- Аджашханны ызындагъы кёреди, джангылгъанны джанындагъы биледи.
- Айырылмаз джууугъунга, унутмаз сёзню айтма.
- Кёл – къызбай, къол – батыр.
- Уллу атлама – абынырса, уллу къабма – къарылырса.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашхы сёз таш тешер.
- Таула не мийик болсала да, аууш табылыр.
- Ариу сёз – джаннга азыкъ, аман сёз – башха къазыкъ.
- Айраннга суу къош, телиге джол бош.
- Билген билмегенни юретген адетди.
- Билим ат болуб да чабар, къуш болуб да учар.
- Сабий болмагъан джерде, мёлек болмаз.
- Олтуруб кёрюнмей эди да, ёрге туруб кёрюне эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72