- Ойнай билмеген, оюн бузар.
- Оюмсуз атлагъан, аджалсыз ёлюр.
- Къайтырыкъ эшигинги, къаты уруб чыкъма.
- Ариу сёз – джаннга азыкъ, аман сёз – башха къазыкъ.
- Мураты болгъанны джюрек тебюую башхады.
- Тенгинг джокъ эсе – изле, бар эсе – сакъла!
- Бети – къучакълар, джюреги – бычакълар.
- Ётюрюкчюню шагъаты – къатында.
- Сабий болмагъан джерде, мёлек болмаз.
- Ариу сёзде ауруу джокъ.
- Ёлмесенг да, къарт дамы болмазса?
- Суугъа – чабакъ, къаягъа – ыргъакъ.
- Таукелге нюр джауар.
- Биреуню эскиси биреуге джангы болмайды.
- Тура эдим джата, къайдан чыкъды хата?
- Кийим тукъум сордурур.
- Чоюнну башы ачыкъ болса, итге уят керекди.
- Ата Джуртуму башы болмасам да, босагъасында ташы болайым.
- Уллу къашыкъ эрин джыртар.
- Суу ичген шауданынга тюкюрме.
- Кёб къычыргъандан – къоркъма, тынч олтургъандан – къоркъ.
- Байны къызы баймакъ болса да, юйде къалмаз!
- Къарнынг ауруса, ауузунгу тый
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёлген эшек бёрюден къоркъмайды.
- Эм уллу байлыкъ – джан саулукъ.
- Адамгъа аман кюн соруб келмейди.
- Атлыны ашхысы, ат тизгининден билинир
- Бетинги сатма, малынгы сат.
- Кёрмегеннге кебек – танг, битмегеннге сакъал – танг.
- Тёрде – темир таякълы, къаяда – чыпчыкъ аякълы.
- Игиге айтсанг – билир, аманнга айтсанг – кюлюр.
- Эки элинги тыйсанг, джети элде махталырса.
- Садакъачыны джаны – къапчыгъында.
- Ёлген ийнек сютлю болур.
- Ачыу алгъа келсе, акъыл артха къалады.
- Эли джокъну – кёлю джокъ.
- Гугук кесини атын айтыб къычыргъанча, мен, мен деб нек тураса?
- Къонакъ болсанг, ийнакъ бол.
- Сабийликде юретмесенг, уллу болса – тюзелмез.
- Джан саулукъ бермей, сан саулукъ бермезсе.
- Ачылгъан эт джабылыр, кёрген кёз унутмаз.
- Минг тенг да азды, бир джау да кёбдю.
- Арба аугъандан сора, джол кёргюзтюучю кёб болур.
- Термилгенинги табмазса, кюлгенинге тюберсе.
- Мал кёб болса, джууукъ кёб болур.
- Ишлегенден, къарагъан уста.
- Адебсиз адам – джюгенсиз ат.
- Аш хазыр болса, иш харам болур.
- Къарт болгъан джерде, берекет болур, сабий болгъан джерде, оюн болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72