- Эркиши – от, тиширыу – суу.
- Джерни букъусу кёкге къонмаз.
- Эл ауузу – элек, анга ийнаннган – халек.
- Джаз бир кюнню джатсанг, къыш талай кюнню абынырса.
- Айранны сюйген, ийнек тутар.
- Эм уллу байлыкъ – джан саулукъ.
- Эки итни арасына сюек атма, эки адамны арасында сёз чыгъарма.
- Адамны аты башхача, акъылы да башхады.
- Ашлыкъ – бюртюкден, джюн – тюкден.
- Тау башында, тау болмаз, джангыз терек, бау болмаз.
- Чакъырылмагъан къонакъ – орунсуз.
- Дженгил джетерикме деб, узун джолну къоюб, къысхасын барма.
- Аманнга алтын чыдамаз.
- Къыйынлы джети элге оноу этер.
- Оюмсуз атлагъан, аджалсыз ёлюр.
- Къая джолда джортма, ачыкъ сёзден къоркъма.
- Хар зат кесини орнуна иги.
- Чомарт бергенин айтмаз.
- Джарлы джети элни сёзюн этер.
- Къарнынг ауруса, ауузунгу тый
- Бети къызарыучу адамны, джюреги харам болмаз.
- Байлыкъдан саулукъ ашхыды.
- Ёгюзню мюйюзлери ауурлукъ этмейдиле.
- Соргъан айыб тюлдю, билмеген айыбды.
- Адеб джокъда, намыс джокъ.
- Ана кёлю – балада, бала кёлю – талада.
- Керти сёзге тёре джокъ.
- Къан бла кирген, джан бла чыгъар.
- Атлыны кёрсе, джаяуну буту талыр.
- Хар сёзню орну барды.
- Иги – алгъыш этер, аман – къаргъыш этер.
- Сормай – алма, чакъырылмай – барма.
- Элни кючю – эмеген.
- Ётюрюкню башын керти кесер.
- Тойгъан антын унутур.
- Байны оноуу, джарлыгъа джарамаз.
- Айтылгъан сёз ызына къайтмаз.
- Этни бети бла шорпасы.
- Тёрени джагъы джокъ.
- Шапа кёб болса, аш татымсыз болур.
- Келинин тута билмеген, къул этер, къызын тута билмеген, тул этер.
- Кёзю сокъурдан – къоркъма, кёлю сокъурдан – къоркъ.
- Аз сёлешген, къайгъысыз турур.
- Олтуруб кёрюнмей эди да, ёрге туруб кёрюне эди.
- Чомарт къонакъ юй иесин сыйлар.
- Эртде тургъан бла эртде юйленнген сокъуранмаз.
- Тили узунну, намысы – къысха.
- Эринчекни аурууу – кёб.
- Бастасын ашагъан, хантусун да ичер.
- Тил бла келеди джыр да.
Профиль
|
Алибек Токов
 Эльбрусоид
Cообщений: 65
Баллов: 52
Регистрация: 08.06.2013
Последний визит: 11.10.2015 15:15:35
|
|
||||||||
|
|
|
||||||||