- Кирсизни – саны таза, халалны – къаны таза.
- Бал чибинни ургъаны – ачы, балы – татлы.
- Ётюрюкню башын керти кесер.
- Тёрени джагъы джокъ.
- Этни да ашады, бетни да ашады.
- Кёб къычыргъандан – къоркъма, тынч олтургъандан – къоркъ.
- Адебсиз адам – джюгенсиз ат.
- Чакъырылмагъан къонакъ къачан кетерин сормаз.
- Татлы сёз – балдан татлы.
- Тамбла алтындан бюгюн багъыр ашхы.
- Баш – акъыл ючюн, акъылман – халкъ ючюн.
- Чакъырылмагъан джерге барма, чакъырылгъан джерден къалма.
- Къонакъ хазыр болгъанлыкъгъа, къонакъбай хазыр тюлдю.
- Иесиз малны бёрю ашар.
- Байлыкъ адамны сокъур этер.
- Иги сеники эсе да, сюйген кесимикин этеме.
- Ишлегенде эринме, ишде чолакъ кёрюнме.
- Сыфатында болмагъаны, суратында болмаз.
- Намысы джокъну – дуниясы джокъ.
- Адам туугъан джеринде, ит тойгъан джеринде.
- Сакъалы текени да бар, мыйыгъы киштикни да бар.
- Акъыл аздырмаз, билим тоздурмаз.
- Чакъырылмай келген къонакъ сыйланмай кетер.
- Кёз – сюйген джерде, къол – ауругъан джерде.
- Кёб ант этген, кёб ётюрюк айтыр.
- Тилчи бир сагъатха айлыкъ хата этер.
- Акъыллы эркиши атын махтар, акъылсыз эркиши къатынын махтар.
- Къарт болгъан джерде, берекет болур, сабий болгъан джерде, оюн болур.
- Къралынгы – душмандан, башынгы от бла суудан сакъла.
- Ойнай билмеген, уруб къачар.
- Ашлыкъны арба юйге келтирир, чана базаргъа элтир.
- Игини сыйлагъан адетди.
- Ариуну – ауруу кёб.
- Кеси юйюмде мен да ханма.
- Хар зат кесини орнуна иги.
- Хазыр ашха – терен къашыкъ.
- Эрни эр этерик да, къара джер этерик да, тиширыуду.
- Биреу къой излей, биреу той излей.
- Аурууну келиую тынч, кетиую – къыйын.
- Къатын байлыкъны сюер, эр саулукъну сюер.
- Ана кёлю – балада, бала кёлю – талада.
- Ойнай билмеген, оюн бузар.
- Босагъа таш юйге кирмей эди, тыбыр таш эшикге чыкъмай эди.
- Эшекге миннген – биринчи айыб, андан джыгъылгъан – экинчи айыб.
- Кимни – тили, тиши онглу, кимни – къолу, иши онглу.
- Аман адам элни бир-бирине джау этер.
- Агъач – джерни чырайы, кийим – эрни чырайы.
- Кёб джат да, бек чаб.
- Айыбны суу бла джууалмазса.
- Кёкдеги болмаса, джердегин кёрмейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72