- Сууда джау джокъ, кёб сёзде магъана джокъ.
- Кимни – тили, тиши онглу, кимни – къолу, иши онглу.
- Магъанасыз сёз – тауушсуз сыбызгъы.
- Келгинчи, къонакъ уялыр, келгенден сора, къонакъбай уялыр.
- Къарнынг къанлынга кийирир.
- Юйюнг бла джау болгъандан эсе, элинг бла джау бол.
- Сютден ауузу кюйген, суугъа юфгюре эди.
- Алтыннга тот къонмаз.
- Кёл ашады да, кеси ашады.
- Бойнуму джети джерден кессенг да, мен ол ишни этеллик тюлме.
- Билмейме деген – бир сёз
- Рысхы – сют юсюнде кёмюк кибикди.
- Бети къызарыучу адамны, джюреги харам болмаз.
- «Ма», - дегенни билмесенг, «бер», - дегенни билмезсе.
- Кёрмегеннге кебек – танг, битмегеннге сакъал – танг.
- Бир абыннган – минг сюрюнюр.
- Акъыл аздырмаз, билим тоздурмаз.
- Адеб джокъда, намыс джокъ.
- Джангызны оту джарыкъ джанмаз!
- Уллу суу бла уллу ауруудан башынгы сакъла.
- Къайгъыны сюйген, къайгъы табар.
- Айтылгъан буйрукъ, сёгюлмез
- Ишлегенде эринме, ишде чолакъ кёрюнме.
- Гугук кесини атын айтыб къычыргъанча, мен, мен деб нек тураса?
- Аман киши кеси юйюнде – къонакъ.
- Таугъа чыгъаллыкъ эсенг, тюзде къалма.
- Джарлыны эшигин махтагъан джабар.
- Сабий кёргенин унутмаз.
- Эллинг бла джау болсанг да, юйюнг бла джау болма.
- Аджашханны ызындагъы кёреди, джангылгъанны джанындагъы биледи.
- Аз сёлешген, къайгъысыз турур.
- Эрни эр этерик да, къара джер этерик да, тиширыуду.
- Къызны минг тилер, бир алыр.
- Эки элинги тыйсанг, джети элде махталырса.
- Эрине къаргъыш этген къатын, эрнин къабар.
- Ойнай билмеген, оюн бузар.
- Ёлген эшек бёрюден къоркъмайды.
- Юй кюйдю да, кюйюз чыкъды, ортасындан тюйюш чыкъды.
- Джюрек кёзден алгъа кёрюр.
- Джарашыу сюйген – джалынчакъ.
- Эркишиге тары кебек танг кёрюнюр.
- Тамбла алтындан бюгюн багъыр ашхы.
- Хатерли къул болур.
- Тай асырагъан, атха минер.
- Уясында не кёрсе, учханында аны этер.
- Сёлеш деб шай берген, тохта деб, сом берген.
- Къуру гыбыт бек дыгъырдар.
- Ёнгкюч къууана барыр, джылай келир.
- Ашхы болсанг, атынг чыгъар, аман болсанг, джанынг чыгъар.
- Ауругъанны сау билмез, ач къарынны токъ билмез.
Профиль
|
|
|||