- Тил – миллетни джаны.
- Тёрде – темир таякълы, къаяда – чыпчыкъ аякълы.
- Къар – келтирди, суу – элтди.
- Тойгъа барсанг, тоюб бар, эски тонунгу къоюб бар.
- Къазанны башы ачыкъ болса, итге уят керекди.
- Иши джокъну, сыйы джокъ.
- Билмезни кёзю кёрмез, этмезни къулагъы эшитмез.
- Джашынгы кесинг юретмесенг, джашау юретир.
- Келлик заман – къартлыкъ келтирир, кетген заман – джашлыкъ ёлтюрюр.
- Бети бедерден, намыс сакълама.
- Кёб джашагъан – кёб билир.
- Бети къызарыучу адамны, джюреги харам болмаз.
- Бети – къучакълар, джюреги – бычакълар.
- Нафысынгы айтханын этме, намысынгы айтханын эт.
- Хата – гитчеден.
- Къыз чыгъаргъан – къызыл къымжа.
- Зар адам ашынгы ашар, кесинги сатар.
- Мал ёлсе, сюек къалыр, адам ёлсе, иши къалыр.
- Джангыз торгъай джырламаз.
- Юйюнг бла джау болгъандан эсе, элинг бла джау бол.
- Бет бетге къараса, бет да джерге къарар.
- Адамны бетине къарама, адетине къара.
- Бал – татлы, балдан да бала – татлы.
- Джолунга кёре – джюрюшюнг, джагъанга кёре – юлюшюнг.
- Къалгъан ишге къар джауар.
- Иесиз малны бёрю ашар.
- Ёнгкюч къууана барыр, джылай келир.
- Ачыкъ джюрекге джол – ачыкъ.
- Къуллукъчума, деб махтанма, къуллукъ – хаух джамчыды!
- Элге къуллукъ этмеген, элге ие болмаз.
- Кечеси – аяз, кюню – къыш, джарлы къаргъагъа бир аш тюш!
- Хунаны тюбюн къазсанг, юсюнге ауар.
- Бетинги сатма, малынгы сат.
- Тойгъан антын унутур.
- Къыз тиширыу кеси юйюнде да къонакъды.
- Тил джюрекге джол ишлейди.
- Билимсиз иш бармаз.
- Баланы адам этген анады.
- Ёлюр джаннга, ёкюл джокъ.
- Къарын къуру болса, джюрек уру болур.
- Арба аугъандан сора, джол кёргюзтюучю кёб болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Джылыгъа джылан илешир.
- Ойнай-ойнай кёз чыгъар.
- Къыз келсе, джумуш эте келеди, къатын келсе, ушакъ эте келеди.
- Ашарыкъда сайлагъаннга – чий гырджын.
- Халкъны джырын джырласанг, халкъ санга эжиу этер.
- Къонакъны къачан кетерин сорма, къачан келлигин сор.
- Уллу сёзде уят джокъ.
- Сёз – кюмюш, джыр – алтын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72